د فاریاب قیصار ولسوال رحمتالله قیصاري وايي، طالبانو تېره شپه د دې ولسوالۍ «ارکلیک» سیمه کې په امنیتي پوستو بریدونه کړي چې ۱۶ د ملياردو او ۶ د ولسي پاڅون ځواکونه يې وژلي.
ښاغلي قیصاري وویل، د طالبانو بریدونو کې ۴ امنیتي پوستې هم سقوط شوېدي او ۱۰ نور امنیتي ځواکونه ټپیان دي.
همداراز د امنیتي ځواکونو او وسلهوالو ترمنځ نښته کې ۳۵ طالبان وژل شوي او ۱۵ نور ژوبل دي.
ورته مطالب:
دفاعي ځواکونو فاریاب کې ۲ قرارګاوې او ۲۸ پوستې خوشې کړي
فاریاب؛ ۴ طالبمشران او ۵۶ تنه وسلهوال وژل شوي
فاریاب کې د طالبانو ډلهییز برید کې ۱۸ امنیتي ځواکونه وژل شوي
هاخوا د فاریاب ولایتي شورا مشر طاهر رحماني دې برخه کې د حکومت پر نه پام نیوکه کوي او وايي، شپږ میاشتې کېږي چې دغه سیمه کې جګړه روانه ده چې تر اوسه پهکې ۳۰۰ امنیتي ځواکونه وژل شويدي.
فاریاب کې د ۲۰۹ شاهین قولاردو لومړۍ لوا د تېرې شپې بریدونه تاییدوي؛ خو د تلفاتو په اړه یې څه نه وايي.
