.JPG)
بوگون (16- حمل دوشنبه) فاریاب ولایتی دولت‌آباد تومنی‌نینگ یشاوچیلری مذکور تومن مرکزیده بیر ناراضلیک اوتکزیشلری بیلن ولسواللیک پولیس باشلیغی‌نینگ ایشدن آلینیشنی سوره‌یدیلر.
بو ناراضی‌لیک بیلدیرگنلر سانی 300 گه ایتردی، دولت‌آباد پولیس باشلیغی نعمت الله طوفاننی، ظالم و بی‌کفایت‌لیگینی تیلگه آلیشلری بیلن محلی پولیس واسطه‌سیده اهالیدن عشر و زکات ییغیب آلیش عیبیگه قاره‌لیدیلر.
اما فاریاب ولایتی دولت‌آباد تومنی نینگ پولیس باشلیغی نعمت‌الله طوفان اعتراضچ‌یلر ادعالرینی رد قیلیب ایتیشیچه، بولرنینگ ادعاسی شخصی خصومت‌لردن کیلیب چیقه‌دی دیگن.
دولت‌آباد پولیس باشلیغی‌نینگ معلوم قیلیشیچه، محلی پولیس باشلیغ‌لریدن بولمیش نذیرناملی شخص نینگ طالب‌لر بیلن قولی بولگنی و اهالی نینگ شکایتی بولگن‌لیگی دلیل اونی ایشدن آلگن.
شو بیلن بیرگه، فاریاب ولایتی دولت‌آباد تومنی نینگ یشاوچیلری ولایت محلی رسمی‌لریدن نذیر قومنداننی قیته ایشگه آلیب کیلینیشینی ایسته‌یدیلر. شونینگ‌دیک اولرگه کوره، مرکز و محلی رسمی‌لر بولرنی ایسته‌گیگه توجه قیلمه‌گن صورتده، میمنه – مزار- شاه یولینی ترافیک یوزیگه باغلشلری ممکن
