فاریاب ولایتی‌ده سیلاولر ایرکین کمیسیونی‌نینگ ولایتی دفتری نی عمومی مدیری شکرمحمدنینگ سلام وطندارگه ایتیشیچه، خوفسیزلیک قیینچلیک‌لر باعث بو ولایت‌نینگ غورماچ، کوهستان و بلچراغ تومن‌لریده سیلاو یولگه قوییلمه‌یدی.
شکر محمد جنابلری‌نینگ کوپه‌یتیریشیچه، فاریاب ولایتی‌نینگ دولت‌آباد، شیرین‌تگاب، خواجه‌سبزپوش، المار و گرزیوان تومن‌لری جدی تهدیدلر آستیده قرار تاپیب و آوازبیریش مرکزلر بو تومنلرنینگ یالغیز مرکزلریده فعال دیر.
سلام‌وطندارگه صحبت بیرگن غورماچ تومن ولسوالی میرویس داودزوی‌نینگ ایتیشیچه، بو تومن بوتونلی طالبلرنینگ نظارتی‌گه دیر و اوشبو تومن‌ده آوازبیریش مرکزلردن هیچ بیریسی فعال ایمس.
داودزوی گه کوره، بو تومن‌ده 14 مینگ‌دن آرتیق کیشی آوازبیریش اوچون آتی نی قید ایتگن؛ بیراق ناتینچلیک‌لر باعث حاضر آواز بیره‌آلمه‌یدیلر.
فاریاب حاکمی سوزلاوچیسی جاوید بیدارنینگ ایتیشیچه، بلچراغ و غورماچ تومن‌لری طالبان‌نینگ نظارتی گه دیر و کوهستان‌گه ییتیب باره‌دیگن یول هم طالبلرنینگ قولیگه قرار تاپگن. شو یوزه‌دن خوفسیزلیک کوچلر اوشبو تومن‌لرده سیلاولر خوفسیزلیگی نی تأمین قیله‌آلمه‌یدیلر.
نماینده‌لر سیلاوی نی یولگه قوییلیش زمانی‌ده ایکی کون قالگن؛ بیراق فاریاب ولایتی‌نینگ تومن‌لریده کونسایین امنیتی وضعیت یمان بولگنی باعث، بو تومنلرنینگ قطار آوازبیریش مرکزلری کیین‌مه‌کیین باغلنماقده دیر.
