بدخشان یشاوچیلریدن بیرقطاری و دولت قورووچی تیمی گه رقیب سیلاو تکتلری مسؤوللری نینگ ایتیشیچه، نیچه کوندن بویان مذکور ولایت نینگ بیر قطار تومنلریده محمداشرف غنی رهبرلیگی ده بولگن دولت قورووچی تیمی «بو تیم گه آواز بیریلیشی اوچون عیاللرگه صابون و کییم بیریب کیلماقده.»
شهدا تومنی یشاوچیلریدن بیری فریده نینگ سلاموطندارگه ایتیشیچه، اوتگن کون دولت قورووچی تیمی کمپاین ده اشتراک قیلیشگن عیاللرگه صابون بیرگن.
بدخشانده برقرارلیک و یقینلیک سیلاو تیمی نی اورین باسری حبیب الله محشرنینگ ایتیشیچه، تومنلرده اولرنینگ ایشلاوچیلری تامانیدن قولگه کیریتیلگن معلومات گه کوره، دولت قورووچی تیمی دولتی امکانیتلردن فایدهلنیب بدخشان نینگ اوزاقده قالگن تومنلری نینگ یشاوچیلری گه کییم، صابون و نقد پول بیرگن.
اونگه کوره، دولت قورووچی تیمی سیلاو قانونی گه قرشی دولتی امکانیتلردن فایدهلنیب یشاوچیلرگه کییم، صابون و نقد پول بیریب بدخشان نینگ چیگرهیی تومنلری، شهدا، بهارک و جرم تومنلری نینگ یشاوچیلرینی ایشانچینی قولگه کیریتیش اوچون سعی و حرکت قیلهدی.
جناب محشرنینگ کوپهیتیریشیچه، اوتگن هفته دولت قورووچی سیلاو تیمی، بدخشان نینگ زیباک تومنی بویوکلری گه 5 مینگ-5 مینگ افغانی بیرگن.
بیراق، افغانستان شمال شرقی بوییچه محمداشرف غنی رهبرلیگی ده بولگن دولت قورووچی تیم مسؤولی امینالله پامیری، بو ادعالرنی رد قیلیب ایتیشیچه، اولر حاضرگهقدر یشاوچیلرگه هیچ نرسه بیرمهگن.
اونگه کوره، اولر یالغیز مرکزی دفترده هر بیر مراجعتچی گه بیر قلم و کتابچه بیریشهدی.
بدخشان ولایتی بوییچه سیلاو شکایتلرینی تینگلش کمیسیون باشلیغی صالحه فرخاری نینگ ایتیشیچه، آواز بیرووچیلرگه هرقندهی نرسه بیریلیشی سیلاو قانونی گه قرشی دیر و اولر شکایت قولگه کیریتگنده، اونی جدی شکلده تیکشیرهدی.
خانم فرخاری گه کوره، ملزمه ترقهتیلیشی قانون نینگ هیچ بیر ییریده کیریتیلمهگن و اولر بدخشانده ماده ترقهتیلگنی خصوصیده، حاضرگهقدر معلومات قولگه کیریتمهگن.
بدخشانده سیلاو شکایتلرینی تینگلش کمیسیون باشلیغی نینگ کوپهیتیریشیچه، بو جریان دوام ایتیب و نامزدلرنینگ خرجتی تعیین ایتیلگن حد دن آرتیق بولگن صورتده، اولر بیلن قانون اساسیده یاندهشیلهدی.
