فاریاب ولایتیده جنبش حزبی‌نینگ ولایتی کینگشی باشلیغی عطامحمد فیضی‌نینگ ایتیشیچه، اوتگن کیچه امنیتی خاص کوچلر میمنه شهری هوا قونالغه‌سی یقینیده نظام‌الدین قیصاری‌نینگ اویی‌نی قمراوگه آلیب، جناب قیصاری‌نینگ ایکی عسکرینی اولدیریب و باشقه 3 ته‌سینی یره‌لنتیریب اوزلری بیلن آلیب کیتگن.
امنیتی کوچلر حاضرگچه بو توغریده رسمی شکلده هیچ نرسه دیمه‌گن.
حکومت تامانیدن جنرال دوستم‌نینگ خاص نماینده‌سی نظام‌الدین قیصاری توتقونگه آلینگنی‌گه قرشی فاریاب ولایتیده تورت کوندن بویان ناراضیلیک نمایش دوام ایتماقده.
اعتراضچی‌لر ترکیه‌ده یشه‌یدیگن افغانستان جمهور رئیسی‌نینگ بیرینچی اورین باسری جنرال عبدالرشید دوستم‌نینگ مملکت گه قیتیشی و اونینگ فاریاب ولایتیده‌گی خاص نماینده‌سی نظام‌الدین قیصاری قوییب یوباریلیشی‌نی سوره‌گن‌لر.
