فاریاب امنیتی رسمی‌لری نینگ ایتیشیچه، بو ولایت‌ده آدم اوغیرلش قضیه‌سی یوقاری درجه‌ده کوتریلگن و بو قضیه لردن کوپیسی‌گه امنیتی مسووللرنینگ قولی بار. بو رسمی‌لرگه کوره، کوپلب حادثه‌لر امنیتی کوچلر موتری واسطه‌سی بیلن بجریله‌دی.
فاریاب پولیس باشلیغی سیدآقا اندرابی نینگ سلام‌وطندار بیلن قیلگن صحبتی‌ده ایتیشیچه، آدم اوغیرلش قضیه لریدن کوپیسی اوز عایله اعضالری تمانیدن بجریله‌دی. جناب اندرابی نینگ ایتیشیچه، سونگی بیر آیده تورت مرته آدم اوغیرلش قضیه‌سی ثبت بولگن. اونینگ کوپه‌یتیریشییچه، پولیس کییمی و جهازلریدن کوپیلر ایش آلیب اوغیرلیک قیله‌دیلر و تیزلیکده بوکیشی‌لر تانیلیب توتیلیش وعده‌سینی بیردی.
فاریاب امنیتی رسمی‌لری نینگ ایتیشیچه، اولکه بویلب فاریاب ناتینچ ولایتلردن سنله‌دی و شو سونگی کونلرده آدم اوغیرلش قضیه‌سی یوقاری درجه‌ده کوتاریلگن. رسمی‌لرگه کوره، اوتگن هفته ناتانیش کیشی‌لر بیر آلتین فروش و ایکی باله‌نی امنیتی کوچلر موتریدن استفاده قیلیب اوغیرله‌گن ایدی، بولردن ایکیته‌سی پول بیریشلری بیلن اوغریلر قولیدن قویب یوباریلدی.
فاریاب عالم‌لر کینگشی اورین باسری غلام‌نبی غفوری هم امنیتی کوچلرنینگ آدم اوغیرلش قضیه‌سیگه قولی بارلیگینی تایید قیله‌دی و فاریاب پولیس حوزه‌لرینی بونقه قضیه‌لرگه قولی بار دیب تیزلیکده قضیه عامللری تانیلیب توتیلیشینی ایستیدی.
فاریاب یشاوچیلری نینگ ایتیشلریچه، اوغیرله‌نیش قضیه‌سی کوپه‌یشی اولرنی خواطرگه سالگن و خوف‌سیز شکلیده شهرده کیلیب کیتالمیدیلر. اولرنینگ ایتیشلریچه، مینگلرچه قورقیش و خواطر بیلن کونده‌لیک ایشلرینی شهرده کیلیب بجره‌دیلر.
