سونگی کونلرده داعش گروهینینگ شاهدالله شاهد، جهادیار، قیس صدیقی و حافظ عبدالسعید دیک قومندانلری وکمیده 30 ییریک اعضاسی افغانستانده هلاک بولگن.
حربی ایش بیلرمانلردن بیری کابلخان تدبیرنینگ ایتیشیچه، افغانستان حربی کوچلری، داعش گروهینینگ یوقاتیشگه قادر و اوشبو گروهنینگ برچه حربی فعالیتلرینی اورتهدن آلیب کیته آلهدی.
جناب تدبیرنینگ ایتیشیچه، اوشبو گروه منطقه مملکتلری تامانیدن قوللنمهگن صورتده، تیزلیکده افغانستاندن یوقالیشی ممکن.
جناب تدبیرگه کوره، داعش گروهی پاکستان و باشقه بیرقطار منطقه مملکتلری تامانیدن حمایت بولهدی.
سیاسی ایش بیلرمانلردن بیری محمداکرم بشریارنینگ ایشانچیگه کوره، داعش گروهی ییریک باشلیغلرینینگ هلاک بولگنی، بو گروهنینگ کوچسیزلیگینی کورستهدی. جناب بشریارنینگ کوپهیتیریشیچه، بوندن آلدین داعش و طالبلر بیر گروه و یالغیز آق بیرهق قاره بیرهقگه اوزگرتیریلگن دییلر ایدی؛ بیراق حاضر کورینیشیچه، مذکور ایکی گروهی بیری- بیروایگه باغلیق بولمهی و ایکاولرینینگ اورتهسیده جدی قرهمه قرشیلیک موجود.
جناب بشریارنینگ ایتیشیچه، حاضر حکومت، مذکور ایکی گروه اورتهسیدهگی قرهمه قرشیلیکلردن فایدهلهنیشی کیرهک.
عین حالده، اوتکن یکشنبه کون، سنامجلسی عمومی ییغینیده بیرقطار سناتورلرنینگ ایتیشیچه، داعش گروهی ییریک اعضالرینینگ اولیمی، مملکت امنیتیگه ایجابی تاثیرتشلهگن و بو مملکتده سیاسی ثباتنی مستحکم لشتیریشیگه سبب بولهدی.
ملی امنیت عمومی ریاستی، اوتگن هفته بیر خبرنامه ترقهتیب ایتیشیچه، داعش گروهینینگ یوقاتیش اوچون خاص بیر قطعه تشکیل ایتگن. بیراق حاضرگچه بو قطعهنینگ فعالیتی و یوتوقلیکلری توغریسیده هیچ بیر معلومات یوق.
