فاریاب – شبرغان شاه یولی‌ده‌گی ناتینچلیک‌لر حکومت بیلن خلق اره‌سیده جنجللر توغدیریب کیلماقده. بو جنجللرگه حکومت یولنی آچیش اوچون جدی نینگ 25- سیده باشله‌گن عملیات‌نی نتیجه بیرمه‌گن دیب ایتیله‌دی.
فاریاب ولایتی کینگش اورین باسری صبغت الله سیلاب‌نینگ سلام وطندارگه ایتیشیچه، اوتگن کونی شیرین تگاب یشاوچیلری محلی حکومت‌گه بو تومن گه پاکلش عملیاتی تشلش اوچون 24ساعت وقت بیرگن ایکنلر. اولر حکومت بوحقده جدی توجه قیلمه‌گن حالده ناراضلیکلرنی یولگه تشلش لرینی ایتگنلر.
فاریاب ولایتی کینگش اورین باسری‌نینگ ایتیشیچه، طالبان نی شیرین تگاب تومنی‌ده، خلق نی کلتکلش و صحراده محاکمه قیلیشلری یشاوچیلر نینگ خواطرگه سالگن.
ناراضلیک نمایش اویشترگنلردن تاج محمد حکومت طالبلرنینگ فعالیتی حقیده توجه سیزلیک قیلگن حالده، اولر دولت بیلن علاقه لرنی کیسیب قویشلرینی ایته‌دی.
اونگه کوره، حکومت‌نینگ 7آی دن بیری بو تومن‌ده عملیات اوتکزیش اوچون اقدام قیلمه‌گنی تینچ فقرالرنینگ اولیمی‌گه سبب بولگن.
فاریاب پولیس قومندانلیگی‌نینگ سوزچیسی عدالکریم یوریش‌نینگ سلام‌وطندارگه ایتیشیچه، شیرین تگاب یشاوچیلری دولت بوتومن‌ده پاکلش عملیاتی اوتکزمه‌گنی اوچون ناراضلیک بیلدیریب جوزجان – فاریاب شاه یولینی ترافیک یوزیگه یاپگنلر.
یوریش‌نینگ ایتیشیچه، بو معمانی ییچیش اوچون فاریاب مرکزی‌دن شرین تگاب‌گه هیات یوباریلگن.
فاریاب ولایتی مملکت شمالیده گی ناتینچ ولایت لردن بیری حسابلنه‌دی. بو ولایت تومنلریده طالبان نینگ نظامی و تعلیمی مرکزلری موجود دیر.
دیمک شبرغان – میمنه شاه یولی کوپ وقت‌دن بیری دولت ملازملری یوزیگه یاپیلگن دیر. طالبان گروهی ایسته‌گن وقتی شاه یولده چیک پاینت ایجاد قیلیب یولدن اوتیب قیته یاتگن لرنی تلاشی قیلیشه‌دیلر.
