کونلردن بیریده، کابل ینگی شهر پارکیده قدم اوردیم، کوزیم بیر کیشیگه توشدی کیم، پارکنی بیر چیککهسیده اولتیریب کمره و سیس ضبط ایتهدیگن اسکونمگه تیکیلدی. جوده هم حارغینگن و تالگن کورینردی. اوندن کوننی بو پیتیده برچه ایش بیلن شغللهنیب یورگن چاغیده، نیمه اوچون پارکنی چیککهسیده اولتیرگنینی سورهدیم. او، جوابیمگه کابلگه ییتکیزگن اچیق حکایهسینی بیان قیلدی.
ینگیلیکده اوروش میدانیدن قیتگن بهروزنینگ ایتیشیچه، هلمند ولایتینینگ نوزاد تومنیده 7 آی حربی کوچلر صفیده اوروشگن، نتیجهده بیر پرچه یوزیگه تیگیب و اونی بو کونگه ییتکیزگن.
بهروزنینگ ایتیشیچه، برچه بیلن اوروشگن، طالبلردن باشلب، پاکستانلیک عسکرلر، چچین و اوزبیکستانلیک جنگریلر؛ شونینگدیک اینگ کته ایستدهلیگی هلمند ده کوکنار ییرلری اوروشی دیر. ایتیشیچه، اوروش صحنهلری ایسیگه کیلگن چاغیده، قورقیشدن تنهسی تیترهیدی و اصلده ایشانمهیدی کیم، کونده هم قطارلریدن تورت و بیش تهسینینگ ناتمام اوروشده قولدن بیرهدی.
اوروشلردن بیریده، کمیده 50 موتورسایکل مینگن جنگری، اوزاق ییرده جایلشگن بهروز قرارگاهسی اوستیگه هجوم اویوشتیرهدی، نتیجهده اورتاقلریدن 6 کیشی هلاک بولیب و باشقه 2 کیشی یرهلنهدی. بهروزنینگ ایتیشیچه، اوشبو هجومدن کیین، کمیده ایکی آی قورشاوگه قالگن و آوقت قتیقلیکده حربی کوچلر آرهسیده ترقهتیلر ایکن. قورشاو یکونلنگنیده بهروز قتیق یرهلنیب و دارولنیش اوچون پایتخت یوباریلهدی.
اوشبو حربی عسکرنینگ ایتیشیچه، قورشاوگه قالگن چاغیده پوپنک اورگن ناننی ییگنی، اورتاقلرینینگ بیرته- بیرته هلاک بولگنی و سونگیده اوزینینگ یرهلنگنی، هیچ بیری بو ییر (پایتختده) مهرسیزلیککه روپهره بولگنی دیک دردلی ایمس دیر. بهروزگه کوره، 16 مینگ افغانی آیلیک و 7 مینگ اوی کراسی بیلن اوچ ییلدن بویان نامزد قالگن و حاضرگچه تورموش قوریش خرجتینی تیارلهآلمهگن.
دیمک بهروزنینگ اوزی ایرکین شکلده ایستکلری و گلایهلرینی بیان ایتمهدی، بیراق سوزلری جریانیده بیللی بولردی کیم، حکومتنینگ مهرسیزلیگیدن شکایت قیلردی و حکومتدن حیاتی توغریسیده ایریم نرسهلر سورردی.
اوشبو یرهدار عسکرنینگ سوزلری سونگیده ایتیشیچه، هر بیر شکلده، برچه قیینچیلیکلر و مهرسیزلیکلر بولگنده هم، وطن توپراغیدن دفاع قیلیش لازم، اجتماع امیدینی نابود ایتیب و خلق ایچیده نفوذ قیلیش نیتده بولگن دشمنلرگه رخصت بیرمسلیک کیرهک.
