اوتگن "سهشنبه" کونی هرات ولایتی نینگ شیدایی کووید-19 کسلخانهسیده کرونا ویروسیگه شبههلی ایکی ایرکک و بیر یاش قیز جان بیرگن.
هرات ولایتی بوییچه ساغلیقنی سقلش ریاستی باشلیغی عبدالحکیم تمنا نینگ ایتیشیچه، کرونا ویروسیگه شبههلی یاشلری یوقاری بولگن ایکی کیشی نیچه مدتدن بویان شیدایی کووید – 19 کسلخانهسیده بستر ایدیلر، بیراق اوتگن کونی دنیا دن اوتگنلر. اونینگ ایتیشیچه، یاش بیر قیز اوتگن کونی مذکور کسلخانه ده انتقال بیریلگنیدن سونگ، جان بیرگن.
هرات ولایتی بوییچه ساغلیقنی سقلش ریاستی باشلیغی نینگ ایتیشیچه، اوشبو کیشیلردن آلینگن نمونهلرنینگ نتیجهسی بوگون "چهارشنبه" معلوم بولهدی. حاضرگهقدر هرات ولایتیده کرونا ویروسیگه چلینگن و شبههلی 17 کیشی دنیا دن اوتگن.
هراتده کرونا ویروسیگه چلینگنلرنینگ سانی 630 کیشیگه ییتیشگن و بو جملهدن 154 تهسی درمانلنگن دیر.
