.jpg)
فاریاب ولایتی نینگ بیرقطار تومن‌لری اینقسه قیصار و خواجه سبزپوش تومنی یشاوچی‌لریدن کوپ قطاری دوام‌لی اوروش‌لر سبب، اوشبو ولایت مرکزی میمنه شهریگه آواره بولگن‌لر.
آواره‌لردن بیرقطاری نینگ ایتیش‌لریچه، مناسب جای و باش‌پناه یوق‌لیگی سبب، باله‌لری کسل بولگن.
آواره بولگن‌لردن ایکی ته‌سی روزی‌قل و سراج‌الدین نینگ سلام‌وطندارگه ایتیشیچه، اوروش‌لر سبب اوی‌لریدن آواره بولگن‌لر و هوا ساووق‌لیگی و باش‌پناه‌لری یوق‌لیگی سبب، باله‌لری کسل بولگن. اولرنینگ ایتیش‌لریچه، محلی حکومت و تیگیشلی نهادلر حاضرگه‌قدر آواره‌لرگه یاردم بیرمه‌گن.
قیصار تومنیدن آواره بولیب میمنه شهریگه کیلگن‌لردن بیری عبدالمجید نینگ ایتیشیچه، امنیتی کوچلر و طالبان گروهی آره‌سیده یوز بیرگن آتیشمه‌لر نتیجه‌سیده، اوی‌گه راکت اوقی توشگن و عایله اعضالریدن بیرقطار هلاک ایتیلگن.
اونینگ ایتیشیچه، حاضرده فاریاب مرکزی میمنه شهریده تیریک‌چیلیک قیله‌دی و حکومت تامانیدن هیچ‌قنده‌ی یاردم صورت تاپمه‌گن.
فاریاب پولیس قومندانلیگی سرپرستی سیدمسعود یعقوبی، آواره بولگن‌لر وضعیتی‌نی خواطرلنترووچی عنوان قیلیب و دولت‌دن بوتوغریده جدی شکلده دقت قیلیشی‌نی سوره‌گن
بیراق، فاریاب ولایتی بوییچه مهاجرلر ریاستی باشلیغی غلام‌فاروق محمدی، آواره بولگن‌لرنینگ باله‌لرینی کسل بولگنیدن خبر یوق‌لیگی‌نی بیلدیرگن. جناب محمدی، باش‌پناه و آذیق-آوقات یوق‌لیگی خصوصیده بولگن قیین‌چیلیکلرنی تصدیق‌لگن.
او، کیله‌جک هفته‌ده آواره‌لرگه یاردم‌لرنینگ توزیع قیلینیش جریانی باشله‌نیشیدن خبر بیرگن.
حاضرده فاریاب ولایتی نینگ 7 تومنیده اوروش‌نی دوامی بار و مذکور تومن‌لردن کمیده 3 مینگ عایله آواره بولیب میمنه شهریگه کیلگن‌لر.
