فاریاب ولایتی پشتونکوت ولسوالیگی گلدره قیشلاغی‌نینگ یشاووچی‌لری‌نینگ ایتیشیچه، نا قانونی قوراللی شخص‌لر مذکور قیشلاققه هجوم قیلیب، قتل، تجاوز، اوغیرلیک و اهالی‌نی کلتکلش‌گه باشله‌گنلر. قربانلر عایله سی بوگون بیر ییغین اوتکزیب اوز اعتراض‌لرینی ولایت‌نینگ محلی مسؤوللریگه ییتکزگنلر.
اهالی، نا قانونی قوراللی شخص‌لرنینگ فعالیتی آلدی آلینیشی‌نی سوره‌گنلر. قربانلر عایله‌سیدن بیری‌نینگ سوزلریگه کوره، محلی قوماندانگه قره‌شلی بیر کیشی اوشبو خانه‌دان‌نینگ بیر اعضاسی‌نی اولدیریب و باشقه بیرته سینی ایسه یره‌لنتیرگن. باشقه بیر عایله‌نینگ اعضاسی باشقه بیر ناقانونی قوماندان‌نینگ نفری اویی‌گه هجوم قیلیب عایله‌نینگ بیر اعضاسی‌نی اولدیریب، عیاللرنی جنسی تجاوز قیلگن‌لیگی‌نی ایتگن. قربانلردن بیر قری خاتین گه کوره، قوراللی شخص‌لر 30 یاشر فرزندی‌نی اولدیرگن، کیلینلرینی جنسی زورله گن.
او، حکومت‌دن عدالت تامین ایتیلیشی همده باج آلووچیلر و زوروانلر قولگه آلینیشی‌نی سوره‌گن. ولایت محلی رسمی‌لری هم فاریاب‌ده ناقانونی قوراللی شخص‌لر فعالیتی بارلیگی‌نی تصدیق‌له گنلر. فاریاب ولایت سرپرستی و اورین باسری عبدالستار بارزنینگ سلام‌وطندارگه ایتیشیچه، اهالی‌نینگ شکایتی تیکشیریلیشی اوچون پشتونکوت ولسوال‌لیگی‌گه هیات جونه تیلگن.
جناب بارزگه کوره، هیات موضوع‌نی یقین‌دن کوزه‌تیب، حادثه عامل‌لرینی جازه‌لش‌گه حرکت قیله‌دی. عین حالده، قربانلر عایله‌سی قیشلاق‌نینگ کوپچیلیک عایله‌سی زوروانلیک‌لر باعث اوز اوی جایلرینی ترک قیلیش‌گه مجبور بولگن‌لر.
ناراض‌لیک بیلدیرگن اهالی حکومت‌دن عدالت تامین ایتیلیشی و ینه نا قانونی قوراللی شخص‌لر فعالیتی آلدی آلینیشی اوچون جدی سعی و حرکت قیلیش‌لرینی سوره‌گنلر. اوتگن ییل هم اونلب ایرکک و خاتین شامل اعتراض‌چیلر هوانینگ ساووغی‌ده ولایت بناسی قرشی سیده توپله‌نیب نا قانونی قوراللی شخص‌لر آلدی آلینشی‌نی طلب قیلگن ایدیلر.
