جمهور رییس بیرینچی اورین باسری جنرال عبدالرشید دوستم «الماس» ناملی عملیات رهبرلیگینی اوز بوینیگه آلیب ایتیشیچه، اوشبو عملیات یولگه قویلیشی بیلن حاضرگه قدر قیصار تومنی‌نینگ کوپلب جنگریلر قولیده‌گی منطقه‌لرنی قیته‌دن آلگنلر.
فاریاب ولایتی قیصار تومنیده«7-قیلیچ» ناملی عملیات اوتکزیلیشی‌دن کیین حاضر «الماس» ناملی عملیات جمهور رییس بیرینچی اورین باسری رهبرلیگی‌ده ایکی کوندن بویان فاریاب‌ده اوتکزیلیب کیلماقده.
جناب دوستم‌نینگ بیلدیریشیچه، حاضرگه قدر امنیتی کوچلر قیصار تومنی‌نینگ شاخ بازاری‌گچه آلغه بارگنلر.
اونینگ کوپه‌یتیریشیچه، بوعملیات‌لرنتیجه‌سیده جنگری طالب‌لردن 24 کیشی هلاک و باشقه 12 کیشی هم قولگه آلینگن.
جمهور رییس بیرینچی اورین باسری، هلاک بولگن جنگریلر ارا تشقی عصیانچی‌لر جمله‌دن چیچینی‌لر، عرب‌لر و اوزبیکستان‌لیکلر بارلیگینی بیلدیرگن.
شو بیلن بیرگه امنیتی رسمی‌لرگه کوره، عملیات موفقیت‌لیکلریدن باشقه بیری، اونلرچه یول اوستیگه اورنه‌تیلگن ماین‌لرکشف و خنثی ایتیلیشی ایتیله‌دی. حاضرگه قدر امنیتی کوچلر طالب‌لرتامانیدن اورنه‌تیلگن 15 حلقه ماین تاپیلیب کشف بولگن.
ایتیلیشیچه، الماس ناملی عملیات فاریاب ولایتی‌ده ناتینچ منطقه‌لریده نیچه مرحله‌گه اجرا ایتیله‌دی.
جناب دوستم ایتیلگن عملیات اوچون کیلگوسی برنامه‌ده ولایت چهارشنبه، هزاره قلعه، بالامرغاب قیشلاق‌لری وغورماچ تومنی‌نینگ ناتینچ منطقه‌لرینی کوزگه توتگن‌لیگی‌نی اورغوله‌یدی.
فاریابده‌گی شاهین 209 قول اردو بیرینچی لوا سوزلاوچیسی محمدرضا رضایی هم سلام‌وطندار بیلن سوزله‌شیب، مذکور عملیات فاریاب ولایتی قیشلاق‌لری‌نینگ طالب‌لردن پاکلش اوچون یولگه قویله‌دی دیگن.
جناب رضایی‌گه کوره، حاضرگه قدر طالب‌لرقولیده بولگن منطقه‌لردن 25 کیلومترینی امنیتی کوچلر واسطه‌سی بیلن طالب‌لر بارلیگیدن پاکله‌گنلر.
شونینگ‌دیک اونینگ کوپه‌یتیریشیچه، 23 ییریک قیشلاقلر قوشیمچه 123 کیچیک قیشلاق جنگریلر قولیدن پاک بولگن.
شونینگ‌دیک امنیتی رسمی‌لرنینگ ایتیشیچه، بادغیس ولایتی‌ده هم الماس عملیاتیگه قره‌تیب پاکلش عملیاتی باشلنگن و بوکوچلر فاریاب امنیتی کوچلری بیلن شاه یولدن طالب‌لر آلدینی آلیش اوچون بیرگه بولیشلری کوزه تیله‌دی.
