فاریاب محلی رسمی‌لری قیصار امنیتی پوسته‌لریدن 4 ته‌سینی دولت قورالی جنگری‌لری قولی‌گه توشگنی‌دن خبر بیره‌دی.
فاریاب – قیصار شاه یولی‌نینگ امنیتی آمری شفیق‌الله نینگ سلام‌وطندارگه ایتیشیچه، قیصار تومنی‌نینگ کنجک قیشلاقی ده‌گی امنیتی پوسته‌لردن 4 ته‌سی قورالی‌لر قولی‌گه توشگن.
ایتیلیشیچه، توقنه شوولرنتیجه سیده محلی پولیس کوچ‌لریدن بیری هلاک بولگن و باشقه بیرته‌سی هم تن جراحت آلگن.
شفیق‌الله امنیتی پوسته‌لر سقوط قیلیش اصلی دلیلی محلی مسؤول‌لر یاردم‌لیک قیلمه‌گن‌لیک‌لری بیله‌دی.
شونینگ‌دیک نورمحمد افغان ناملی مذکور قیشلاق محلی پولیس باشلیغ‌لریدن 20 کیشی عسکرلری بیلن طالب‌لرگه قوشیلیب کیتگن.
فاریاب محلی رسمی‌لریدن کوپی‌سی هم بوخبرنی تأیید قیله‌دی؛ اما بو مقامات امنیتی پوسته‌لردن 3 ته‌سی دولت قورالی‌لری قولی‌گه توشگن.
قیصار تومنی‌نینگ سرپرستی عبدالجمیل صدیقی‌نینگ سلام‌وطندارگه ایتیشیچه، ولسوالیک امنیتی پوسته لریدن 3 ته‌سی طالب‌لر قولی‌گه توشگن‌دن کیین امنیتی کوچلردن 5 ته‌سی اولربیلن قوشیلیب کیتگن.
جناب صدیقی‌نینگ کوپه‌یتیریشیچه، بیرهفته‌دن بویان فاریاب – بادغیس شاه یولی امنیتی کوچلر بیلن قورالی جنگری‌لر ارا توقنه شولری سبب یاپیلیب قالگن ایدی.
بیرهفته آلدین طالب‌لر بهاری هجوم‌لرینی تیزلیک‌ده باشله‌شلریدن خبر بیرگن ایدیلر. بو هشداردن کیین اولکه ایریم ولایت‌لری‌ده ناتینچ‌لیک‌لر کوپه‌یب دولت‌گه قرشی هجوم‌لر یوکسه‌لیب بارماقده.
