افغانستان ایچکی ایشلر وزیرلیگینینگ یوقاری مرتبهلی رسمیلری اسلامی جنگریلر گروهی(داعش)نینگ عاموی اخبارات واسطهلری آرقلی افغانستانده موجودلیگینی کورسته تیشگه حرکت قیلیشینی ایتگنلر. وزیرلیک رسمیلری، بو توغریده عاموی اخبارات واسطه لری بی فرق یاندشمس لیگی نی سوره گن. مملکت ایچکی ایشلر وزیرلیگینینگ سوزچیسی صدیق صدیقی، بوگون کابلده بیر خبری انجمنده قیلگن نطق سوزیده ینه بیر مرته افغانستانده اسلامی دولت جنگریلر گروهی(داعش) مرکزلشگنلیگی حقّیدهگی خبرلرنی رد قیلدی. صدیقی، افغانستان ملی کوچلری هیچ زمان بوزغینچی گروهلرگه مملکتده فعالیت قیلیش اوچون رخصت بیرمسلیگی نی ایتگن. عین حالده، اوتگن کون افغانستان ملی خوف سیزلیک کینگشیده افغان ملی کوچلریگه مملکتده اسلامی دولت گروهی (داعش) گه فعالیت قیلیش اوچون اذن بیرمسلیک لرینی سوره گن ایدی.
ملی خوفسیزلیک کینگشی داعش گروهینی جدی بیر تهدید بیلیب، مملکت تشقی ایشلر وزیرلیگیگه دنیا و منطقه دولت لریگه افغانستان بو گروه بیلن جدی کورهش آلیب باریشی حقیده ایشانچ بیریشینی طلب قیلگن ایدی. تشقی ایشلر وزیرلیگی منطقه دولت لریدن داعش گروهیگه کورهش اوچون افغانستان بیلن سیاسی، استخباراتی، اقتصادی و دیپلماتیک بولیملرگه همکارلیک قیلیشی اورغولنگن.
نیچه کوندن بیری افغانستان نینگ ایریم ولایتلریده داعش گروهی فعالیتگه باشله گن لیگی باره سیده عاموی اخبارات واسطه لریده خبرلر ترقه تیلماقده. شونینگ دیک قطار ولایت لرنینگ مسووللر ولایتلرده مذکور گروه اعضالری کوزه تیلگن لیگینی تصدیقله گنلر. اما، افغانستان دولتی نینگ بلند مرتبهلی رسمیلری هر دایم بو قبل خبرلرنی رد قیلیب کیلماقدهلر. رسمیلرگه کوره، اوزینی داعش خطاب قیله دیگنلر سابق جنگری طالبلردن عبارت شخصلر دیر.
