ینه بیر بارشخصی خصومتلر فاریابده قربانلیک آلدی. قانونگه قرشی مسؤول سیز شخصلر آلدیده قورال موجودلیگی دلیل اولکه ایریم منطقه‌سیده ناتینچ‌لیکلر کوپه‌یشیگه سببی بوله‌دی.
فاریاب پولیس رسمی‌لری‌نینگ بیلدیریشیچه، ولایت پشتون‌کوت تومنی‌نینگ دهندره منطقه‌سیده ایکی قورالی شخص ارا توقنه شوو یوز بیرگن.
ولایت پولیس سوزلاوچیسی سید مسعود یعقوبی‌نینگ سلام‌وطندارگه ایتیشیچه، بوتوقنه شووده ایکی تاماندن 5 کیشی هلاک و باشقه بیرکیشی یره‌لنگن.
یعقوبی‌نینگ کوپه‌یتیریشیچه، حادثه شخصی خصومتلر سبب روی بیرگن.
اونگه کوره، حاجی قیوم دهندره‌نینگ ایکی اوغلی «اسدالله پهلوان و عبدالله پهلوان» حادثه‌ده هلاک بولگن و فیروز قومندان تامانیدن ایسه خال محمد و صالح محمدلر هلاک بولیب، میمنه ایشلاوچیلریدن بیری‌نینگ اوخلی احمد خالد ناملی شخص هم یره‌لنگن.
باشقه بیرخبرگه کوره، پشتون‌کوت تومنی‌نینگ خشت‌پل منطقه‌سیده جهادی قومندانلردن بیری تانیق سیز قورالی شخصلر تامانیدن اولدیریلگن.
پشتون‌کوت تومنی باشلیغی عبدالقدیر قادری حادثه نی تأییدقیلیب ایتیشیچه، اوتگن آقشام کیش قورونده غیب‌الله قومندان، چقماق منطقه‌سیده اویی تامان باریش پیتی‌ده خشت‌پل محله‌سیده تانیق سیز کیشیلر واسطه‌سی بیلن هلاک ایتیلگن.
قدیرگه کوره، شو سونگی کونلرده غیب‌الله قومندان خلق آره‌سیدن دشمنگه قرشی قورال کوتریب چیقگن شخص‌لردن بیری ایکن.
پشتون‌کوت باشلیغی‌نینگ کوپه‌یتیریشیچه، بو هلاک ایتیلگن قومندان 300 عایله‌لیک قیشلاق باشلیغی حیثیده بولیب اوشبو محلده حیات کیچیرماقده ایکن.
نیچه آیدن بویان فاریاب ولایتی شمال ولایت‌لری نینگ اینگ ناتینچ محله‌لریدن بیری بولیب، اونلرچه تشقی جنگریلر بوزیش ایشلر رهبرلیگینی اوز زمه لریگه آلیب بو ولایتده فعالیت قیلیشلری ایتیله‌دی.
اونگه کوره، حاضرگه قدر قضیه عاملی انیقلنمه‌گن و بوباره‌ده قیدیروولرباشله‌نگن.
