فاریاب؛ ښځې له چادرۍ سره ورزش کوي

په فاریاب ولایت کې ځېنې ښځې د دوی له‌پاره د ورزش د ځانګړي ځای له نه‌شتوالي شکایت کوي.

دا ښځې ـ چې د میمنې ښار د ښاروالۍ په پارک کې ورزش کوي ـ د ورزش پر مهال د نرينه‌وو له لوري د ځورېدلو نه هم شکایت کوي او وايي چې د سړیو ځورولو مجبوره کړي چې په چادرۍ کې ورزش کړي.

دا ښځې ـ چې له څوو کالو راهیسې د میمنې ښار د ښاروالۍ په پارک کې هر سهار تمرین کوي ـ وايي چې د پارک د شاوخوا له لوړو ودانیو نرینه د ورزش پرمهال د دوی حرکاتو ته ورکوري او مزاحمت ورته کوي.

هغوی له دولته غواړي چې ښځو ته په‌دې ولایت کې ځانګړی ورزشي لوبغاړی جوړ کړي.

په‌ ورته وخت کې ځېنې ورزشکاران ـ چې د دې ښځو په شان په همدې پارک کې ورزش کوي ـ وايي چې په پار کې دننه څوک دې ښځو ته مزاحمت نه‌کوي.

له بل لوري د فاریاب د بدني روزنې رییس وهاب مجیدي په‌دې ولایت کې د ښځو له‌پاره د ځانګړې ورزشي لوبغالي د جوړېدو خبر ورکوي.

ښاغلی مجیدي وايي چې دا لوبغالی به ډېر ژر په میمنې ښار کې په ۱۸ میاشتو کې جوړ شي.

ورته مطالب:

بامیانو کې ښځې د ماین شنډولو زده‌کړې کوي

د غزني ډېرې کورنۍ خپلې ناروغې ښځې ډاکټر ته نه پرېږدي