.jpg)
نورحُسین اوسمهال د انګلستان په څلورمه لیکه فوټبال سیالیو کې لوبېږي او د لوبو لهپاره د انګلستان «کرېسټال پلیس» لوبډلې سره هم یوځای شویوو.
د افغانستان فوټبال فدراسیون د معلوماتو له مخې، د فوټبال ملي لوبډلې نوي ګومارل شوي روزونکي انوش دستګیر له نورحُسین سره خبرې کړي او نوموړی یې د افغانستان لهپاره لوبېدلو ته رضا کړیدی.
نورحُسین د افغانستان لهپاره د لوبېدلو وړاندیز منلی دی او ډېر ژر به د سیالیو لهپاره له افغان فوټبال ملي لوبډلې سره یوځای شي.
.jpg)
افغان فوټبال فدراسیون دا هم وایي، ټاکل شوې چې افغان فوټبال ملي لوبډله د اګست په ۱۹مه نېټه د افغانستان د ازادۍ د کالیزې په ویاړ په کابل کې له فلسطینۍ فوټبال ملي لوبډلې سره سیالي وکړي؛ خو دا چې سیالۍ د (فیفا) رسمي ورځو کی نهده؛ له همدی کبله به نورحُسین له کلپ سره د تړون لهمخې پهدې تاریخي لوبه کې ونهشي لوبېدلی.
د معیاري لوبغاړیو نهلرلو له کبله د افغانستان فوټبال ملي لوبډله اکثره وخت بهرمیشتي افغان فوټبال لوبغاړي نیسي او افغان فوټبال فدراسیون تمه لري چې په وار – وار پهکې هېوادمیشتي افغان فوټبالرانو موجودیت زیات کړي.
