فاریاب ولایتی کینگش اعضاسی نادر سعیدی نینگ سلام‌وطندارگه ایتیشیچه، سونگی هفته‌ده یالغیز قیصار تومنیدن بیر مینگ دن آرتیق عایله بدرغه بولگن.
جناب سعیدی گه کوره، حکومت حاضرگچه بو عایله‌لرگه یاردم بیرمه‌گن و بدرغه بولگن عایله‌لر یمان وضعیتده حیات کیچیره‌دیلر.
باشقه بیر تاماندن بدرغه بولگنلردن قطاری نینگ ایتیش‌لریچه، وضعیت‌لری یمان دیر و حاضرگچه اولرگه یاردم بیریلمه‌گن.
قیصار تومنیدن بدرغه بولگنلر نعمت‌الله و سیدفضل الدین نینگ ایتیش‌لریچه، بدرغه بولگن عایله‌لرنینگ آره‌سیده بیر نان ساتیب آلالمه‌یدیگن عایله‌لرهم بار.
مذکور بدرغه‌لرگه کوره، محصولات‌لرنی توپله‌یدگن بیرحالده، بدرغه بولگنلر و برچه ایکینچلیک محصولات‌لرنی قوییب مهاجر بولگنلر.
فاریاب مهاجرلر ریاست مسئوللری نینگ ایتیش‌لریچه، سونگی هفته‌لرده فاریاب ولایتی نینگ ۷ تومنیده ۳ مینگ عایله بدرغه بولیب میمنه شهریده کیلگن.
فاریاب مهاجرلر ریاستی باشلیغی غلام فاروق محمدی نینگ ایتیشیچه، بو دستلبکی رقم دیر و بدرغه بولگن‌لرنینگ رقمی کوپه‌یش احتمالی بار چونکه اوشبو ولایت نینگ ۷ تومنیده امیتی کوچلر و طالبان گروهی آره‌سیده اوروش نی دوامی بار.
شونده‌ی بیرحالده، ایکی هفته آلدین امنیتی کوچلر میمنه-اندخوی قتناو یولیده شاهین ۱۱۷ نامیده بیر تازلش عملیات یولگه قویگن ایدیلر، و بدرغه بولگنلردن کوپینچه‌سی امنیتی کوچلر و طالبان گروهی آره‌سیده آتیشمه دوام ایتیب کیله‌دیگن تومن‌لردن دیر.
