د مېرمنو لومړنی ځانګړی هنري او ښوونیز مرکز نن د غور ولایت مرکز فیروز کوه ښار کې د یو شمېر مېرمنو په ابتکار پرانېستل شو.
د دغه هنري مرکز مسووله فریده ناصري وايي، دوی وروسته له هغې دغه مرکز جوړ کړ چې دې ولایت کې ښځو ښوونې او روزنې او همدارنګه د رسامۍ هنر ته لاسرسی نهلرلو.
د مېرمن ناصري په وینا، دوی د رسامۍ هنر د زدهکړو ترڅنګ، د انګلیسي ژبې، کمپیوټر او د فن او عرفې په برخه کې هم کار کوي.
هاخوا یو شمېر هغه مېرمنې ـ چې دغه هنري مرکز کې زدهکړې کوي ـ وايي، دوی لهدې مخکې د ټولنې ناوړو دودونو په دلیل د نرینهوو په ښوونیزو مرکزونو کې ګډون نهشو کولی.
د غور د کار، ټولنیزو چارو، شهیدانو او معلولینو رییس فضلالحق وحید هم د دغه هنري او ښوونیز مرکز جوړول دې ولایت کې د ښځو لهپاره یو مثبت ګام بولي او وايي، هغوی هم دغه هنري مرکز سره په همکارۍ د ښځو پیاوړي کولو لهپاره کار کوي.
د دغه هنري مرکز مسوولان او د غور مېرمنې وايي، څو ځلې یې هڅې کړي چې دې ولایت کې هنري او ښوونیز فرصتونه رامنځته کړي؛ خو دولت د ناپامۍ له امله پهدې چاره کې نه بریالي کېږي.
