غورولایتی کینگشی نینگ اعضالریدن بیرقطاری، ولایت کانلری طالبلر و محلی زوروانلر تمانیدن ناقانونی شکلیده چیقاریلیب، مذکور کانلر بوتون درآمدی طالبلر و محلی زوروانلر کیسه‌سیگه کیره‌دی دیدی.
غور ولایتی کینگش اورین باسری عبدالبصیر قاردی نینگ ایتیشیچه، طالبلر ولایت لاجورد و زمرد کانلریدن کوپیسی‌نی شرکتلر و قاچقاچیلرگه بیرگن و شرکتلر مسؤوللری ایسه ولایت کانلرینی چیقاریب طالبلر و زوروانلرگه ایسته‌گن حقلرینی بیره‌دی.
غور ولایتی نینگ کانلر آمری قیس رنجبرهم، شوحاضر غور ولایتی نینگ کانلریدن کوپیسی طالبلر و زوروان شخصلر اختیاریگه دیگن.
جناب رنجبرگه کوره، اوتگن ییل غور تاش کومیر کانی ایشلب چیقاریش شرطنامه‌سی شرکتلردن بیری بیلن امضا قیلینگن ایدی، بیراق منطقه ناتینچ‌لیگی سبب اوشبو شرکت مذکور کان ایشلب چیقاریش ایشیدن وازکیچگن.
غور والیسی نینگ سوزلاوچیسی عبدالحی خطیبی هم خبرنی تأیید قیلیب طالبلر ومحلی زوروانلر ولایت کانلریدن کوپیسی‌نی اوز اختیارلریگه آلگن و شوحاضر ولایت تولک، دولتیار و فیروزکوه تومنلری کانلری ناقانونی شکلیده زوروانلر تامانیدن چیقاریب کیلماقده.
جناب خطیبی، حاضرگه قدر محلی حکومت اوشبو کانلر ناقانونی ایشلب چیقاریش آلدینی آلیش کوچیگه ایگه ایمس دیگن.
غور، مملکت غربیده جایلشگن تاغلی و ناتینچ ولایتلردن سنله‌دی. متخصصلرگه کوره، مذکور ولایتده آلتین، کومیش، تاش کومیر، لاجورد، زمرد و رخام تاش کانی موجودلیگی ایتیله‌دی و حاضرگه قدر بوکانلردن کوپیسی‌گه قول اوریلمه‌گن.
