غور والیسی غلام ناصر خاضع‌نینگ ایتیشیچه، اوتگن کیچه ولایت تیوره تومنی طالبلرنینگ تینچه تاماندن هجوم قیلیش نتیجه‌سیده اوشبو گروه نظارتیگه اوتگن.
جناب خاضع‌گه کوره، محلدن بیریلگن راپورگه کوره، اوشبو هجومده طالبلرنینگ 800 نفری تیوره تومنی اوستی‌گه یوروش قیلگن ایکنلر.
غور والیسی حاضرگه قدر طالبلر بیلن امنیتی کوچلر ارا بولیب اوتگن توقنه‌شوولر تلفاتیدن انیق خبری بولمه‌گن‌لیگینی تیلگه آلگن.
جناب خاضع، حربی کینگش ییغینی بولیب و تومننی قیته آلیش باره‌سیده تلاشلر دوام ایتیش باره‌سیده معلوم قیلگن.
تیوره تومنی‌نینگ یشاوچیلری، طالبلر یشش بنالردن جبهه عنوانیده استفاده قیلگن دیگنلر.
طالبلرنینگ سوزلاوچیسی ذبیح‌الله مجاهد هم تیوره تومنی سقوط قیلگن‌لیگینی تأیید قیلگن.
بو شوپیتده دیرکه اوتگن کیچه فاریاب ولایتی‌نینگ کوهستان تومنی هم طالبلر قولیگه سقوط قیلگن ایدی.
