.jpg)
غور محلی رسمی‌لری‌نینگ ایتیشیچه، اوشبو ولایت مکتب‌لریده اوقووچی قیزلر حضوری کمه‌یگن و بونگه قوشیمچه، قیزلرنینگ مکتب‌لریده درس کیفیتی هم قویی بولگن. اولرگه کوره، مکتب‌لرده قیزلرنینگ کم‌لیگی‌نی اصلی سببی ایسکی رسم‌و رواجلر و خیابانلرده قِیناققه توشیش‌لری دیر.
سلام‌وطندارگه صحبت بیرگن غور حاکمی غلام‌ناصر خاضع‌نینگ ایتیشیچه، اوشبو ولایت مرکزی و کوپینچه تومن‌لریده قیزلر کینگ شکلده مکتب‌لرده حضور کیلتیره آلمه‌یدیلر.
غور حاکمی‌گه کوره، مکتب‌لرده قیزلر کم‌لیگی‌گه قوشیمچه، قیزلرنینگ مکتب‌لریده درس کیفیتی هم جوده قویی دیر.
شونینگ‌دیک، غور ولایتیده عیال‌لر ریاستی‌نینگ حقوقی مدیری حاجره بشیری، مکتب‌لرده قیزلر کم‌لیگی‌دن تنقید قیله‌دی. اونینگ ایتیشیچه، قیزلر مکتب‌گه یوباریلیشی خصوصیده، یاردمچی مؤسسه‌لر اویغونلیگی‌ده اهالی‌نی آگاه‌لنتیرگن‌لر، بیراق بو سعی و حرکت‌لر اونچه‌لیک نتیجه بیرمه‌گن.
.JPG)
عیال‌لر ریاستی‌نینگ حقوقی مدیری‌گه کوره، عایله‌لردن کوپینچه‌سی قیزلریگه بیشینچی صنف‌دن یوقاری درس اوقیش‌گه رخصت بیرمه‌یدیلر. شونینگ‌دیک، اونینگ کوپه‌یتیریشیچه، مکتب‌لرده قیزلر حضوری توغریسیده، معارف ریاستی تامانیدن ترقه‌تیلگن رقم واقعی ایمس دیر.
بیراق، غور ولایتی‌نینگ معارف ریاستی سرپرستی خلیل‌احمد مبارز، مکتب‌لرده قیزلر کم‌لیگی توغریسیده بیریلگن بیانات‌لرنی رد قیلیب و غور مکتب‌لریده قیزلر حضوری کوپه‌یگنینی بیلدیرگن. اونینگ ایتیشیچه، شهرک تومنی و باشقه بیرقطار تومن‌لرده قیزلر اوچون بولگن تهدیدلر کوتریلگن و حاضر قیزلر ایرکین شکلده مکتب‌لرگه باره‌دیلر.
غور ولایتی‌نینگ معارف ریاستی تامانیدن ترقه‌تیلگن رقم‌گه کوره، حاضر اوشبو ولایت‌ده 186 مکتب‌ده 79700 دن آرتیق قیز درس اوقیدی.
غور، مملکت غربی‌ده آز رواجلنگن ولایت‌لردن بیری سنله‌دی و اوشبو ولایت‌دن هردایم عیال‌لرگه قرشی زوره‌وانلیک‌لر توغریسیده گزارش ترقه‌تیله‌دی.
