غور یشاوچی‌لری و کسبه‌کارلریدن بیرقطاری‌نینگ سلام‌وطندارگه ایتیشیچه، اوشبو ولایت مستوفیت اداره‌سی‌نینگ ایشلاوچی‌لری تورلی بهانه‌لر بیلن مالیات توپله‌یدی.
غور یشاوچی‌لری‌نینگ ایتیشیچه، بو اداره ایشلاوچی‌لری توپله‌نگن پول‌نی حکومت درآمدی‌گه اضافه قیلمه‌دیلر، بلکیم اوزلری تالان قیله‌دیلر.
اولرنینگ ایتیشیچه، محلی اداره و مسوول نهادلر مستوفیت اداره‌سی ایشلاوچی‌لری‌نینگ بو حرکتی گه توسیق بولمه‌گن صورتده، بوندن سونگ مالیات بیرمه‌یدیلر.
بیراق غور ولایتی مستوفیتی مسوولی محمدطاهرنینگ کسبه‌کارلر و یشاوچی‌لر ادعاسی‌نی رد قیلیب ایتیشیچه، اوشبو اداره ایشلاوچی‌لریدن هیچ‌بیری حجتسیز شکلده پول توپلمه‌گن.
عین‌حالده، غور ولایتی‌نینگ یشاوچی‌لری و کسبه‌کارلری‌نینگ ایتیشیچه، مذکور اداره ایشلاوچی‌لری ایکی ییلدن بویان مالیات بهانه‌سی بیلن پول توپله‌یدیلر و حاضرگه‌قدر هیچ‌بیر اداره اولرنینگ شکایت‌لریگه دقت قیلمه‌گن.
