غورولایتی‌ده بیر ناقانونی قوراللی قومندان، مخالف قوم‌دن 8 اوقووچی‌نی گروگه آلگن و بو واقعه گه جواب مذکور اوقووچی‌لرنینگ عایله اعضالری، اوشبو ناقانونی قوراللی قومندان‌نینگ طرفدارلریدن عیال‌لر شامل بیش کیشی‌نی گروگه آلیب آگاه‌لنتیریشیچه، فرزندلری قوییب یوباریلمه گونگه‌قدر، اولر گروگه آلگن‌لرنی قوییب یوبارمه‌یدیلر.
سلام‌وطندار بیلن تلیفون علاقه قورگن غور ولایتی‌نینگ شهرک تومنی یشاوچیلریدن بیرقطاری‌نینگ ایتیشیچه، اوتگن کون اوشبو اوقووچی‌لر، بندغوک منطقه‌سیدن کیم‌لیک آلیش اوچون شهرک تومنی باره‌یاتگن چاغیده، غفور و ناصر ناملی ایکی ناقانونی قوراللی قومندان‌نینگ نفرلری تامانیدن گروگه آلینگن‌لر.
یشاوچیلرگه کوره، مذکور ناقانونی قوراللی قومندانلرنینگ نفرلری، بیرینچی‌دن اوقووچی‌لرنی کلتک‌لگن‌لر و اوندن کیین، اولرنی شهرک تومنی استوه منطقه‌سیگه آلیب کیتگن.
اولرنینگ ایتیشیچه، ناقانونی قوراللی‌لر، اوقووچی‌لردن بیری ضیاالدین‌نی کلتک‌لب و نتیجه‌ده آغیر یره‌لنتیریب تشلب کیتگن‌لر. ضیاالدین‌نینگ آته‌سی فضل الحق، اوغلی حاضر کسلخانه‌ده ایکنینی ایتگن.
شونینگ‌دیک، غور امنیه قومندانلیگی‌نینگ وقتینچه‌لیک باشلیغی ضیاالدین ثاقب، بو واقعه‌نی تصدیق‌له‌یدی، بیراق ایتیشیچه، اوشبو قوراللی قومندان نیچه اوقووچی‌نی گروه‌گه آلگنی بیللی بولمه‌گن. جناب ثاقب، بو گروگه آلیش‌لردن مقصد، غفور و محسن ناملی ایکی ناقانونی قوراللی قومندان آره‌لریده‌گی قومی قره‌مه قرشی‌لیک دییدی.
بیراق، اوشبو واقعه خصوصیده، گروگه آلینگن اوقووچی‌لرنینگ عایله اعضالری، قومندان غفورنینگ طرفدارلریدن عیال‌لر شامل 5 کیشی‌نی گروگه آلگن‌لر.
اوشبو عایله‌لرنینگ ایتیشیچه، بو موضوع ی ولایت امنیتی رسمی‌لری بیلن شریک قیلگن‌لر، بیراق حاضرگچه هیچ بیر ایش قیلینمه‌گن.
غور ولایتی‌نینگ شهرک تومنی‌ده غفور و محسن آره‌سیده‌گی قره‌مه قرشی‌لیک‌لرنی نیچه ییل‌دن بویان دوامی بار و نیچه وقت آلدین، اوشبو ایکی قومندان آره‌سیده یوز بیرگن آتیشمه قربانلیک هم آلگن ایدی.
