غور ولایتی بوییچه مدنی جماعهچیلیک جمغرمهسی مسووللری نینگ ایتیشیچه، مذکور جمغرمه معلوماتیگه کوره، جاری ییلده 134 مینگ اوقووچیدن 80 مینگ تهسی ناتینچلیک، ناقانونی قوراللی کیشیلر حضوری، ناپسند رواجلر و معارف ریاستی نینگ مدیریت سیزلیگی باعث، مکتب باریشدن محروم قالگن.
اولرنینگ ایتیشیچه، بو ولایتده بولگن 800 مکتبدن 600 تهسی باغلنگن دیر و مذکور مکتبلرنینگ اوقیتووچیلری اوروش جبههلریگه حضور تاپیب یا-ده چیتایللیک ممکتلرده حیات کیچیرهدیلر.
بوگون "چهارشنبه" غور مدنی جماعهچیلیک جمغرمهسینینگ هماهنگ قیلیش مسووللی محمدحسن حکیمی نینگ بیرخبری ییغین آرقهلی ایتیشیچه، بو ولایتده 77 مینگ ایرکک و 56 مینگ قیز اوقووچی بار، بیراق جاری ییلده مذکور اوقووچیلردن 80 مینگ تهسی مکتب باریشدن محروم قالگن و اولردن 40 مینگ تهسینی قیزلر تشکیل بیرهدی.
.jpg)
جناب حکیمی نینگ ایتیشیچه، اوشبو جمغرمه معلوماتیگه کوره، پسابند، دولینه، چهارسده تومنلریده هیچ بیر قیز مکتب بارمهیدی و شونینگدیک،ساغر، تیوره و شهرک تومنلری نینگ قطار بولیملریده قیزلر مکتب بارمهیدی.
غور ولایتی بوییچه عیاللر ریاستی باشلیغی حلیمه پرستش نینگ بو وضعیتدن خواطر بیلدیریب ایتیشیچه، تعلیمی لایحهلردن نظارت بولمهگنی سبب، کوپ قطار قیزلر مکتب باریش و تعلیم کوریشدن محروم قالگنلر.
بیراق، غور ولایتی بوییچه معارف ریاستی نینگ مسووللری مدنی جماعهچیلیک جمغرمهسی سوزلرینی رد قیلهدی. اولرنینگ ایتیشیچه، غور ولایتی نینگ بوتون تومنلریده مکتبلر فعال دیر و اوقووچیلر کینگ شکلده مکتبلرگه حضور تاپهدیلر.
غور معارف ریاستی باشلیغی احمدصابر نوری نینگ ایتیشیچه، اوشبو اداره محل قوم بویوکلری نینگ همکارلیگی آرقهلی، مکتبلردن جدی شکلده نظارت قیلهدی. اونینگ ایتیشیچه، غور ولایتیده یالغیز 30 مکتب یاپیق دیر.
شوتوغریده…
