جمهوررئیس و ملی مصالحه عالی کینگش باشلیغی، افغانستان دولتی نینگ مذاکره قیلووچی هیأت باشلیغی و اعضالری بیلن اوچره‌شگن.
بوگون (چهارشنبه ۱۲- سنبله) جمهوررئیس‌لیک سرایی بیر اعلامیه ترقه‌تیب ایتیشیچه، محمد اشرف غنی و عبدالله عبدالله افغانستان دولتی نینگ مذاکره قیلووچی هیأت اعضالری بیلن سوزلشگن.
جمهوررئیس مذکور ییغینده دولت نینگ مذاکره قیلووچی هیأتی نی «ملی تیم» دیب ایتیشیچه، بو تیم افغانستان دولتی و اهالیسی نینگ کوچلی حمایتی گه ایگه دیر.
بو ییغینده جمهوررئیس نینگ کوپه‌یتیریشیچه، دولت تینچلیک پروسه‌سی خصوصیده بیرگن وعده‌لرینی عملی قیلگن.
ملی مصالحه عالی کینگش باشلیغی عبدالله عبدالله نینگ ایتیشیچه، افغانستان دولتی تینچلیک پروسه‌سیده جدی اراده‌سی نینگ کورستگن. اونینگ کوپه‌یتیریشیچه، افغانستان تینچلیککه متعهد دیر و طالبان هم اوز تعهدلری نینگ کورسه‌تیش‌لری کیره‌ک.
افغانستان دولتی نینگ مذاکره قیلووچی هیأتی باشلیغی معصوم ستانکزی نینگ ایتیشیچه، بو تیم دواملی بیر تینچلیککه ایریشیش اوچون سعی و حرکت قیله‌دی.
ارگ نینگ معلوماتی اساسیده، دولت نینگ مذاکره قیلووچی هیأتی افغانستان‌لیکلرارا سوزلشوولرگه اشتراک قیلیش اوچون باشقه ایکی کون گچه قطر کیتیش‌لریگه قرار قیلینگن.
شونینگدیک نیچه ساعت آلدین جمهورلیک ریاستی سوزلاوچیسی نینگ ایتیشیچه، دولت طالبان محبوس‌لری نینگ قوییب یوباریش پروسه‌سینی تیزلیککه تکمیل قیله‌دی و بو پروسه تکمیل بولیشی بیلن سوزلشوولر باشله‌نیشی ممکن.
