افغانستان جمهور رئیسی محمداشرف غنی قرغیزستان باشکینتی بیشکیک‌ده هندوستان باش وزیری نارندرا مودی بیلن اوچره‌شیب، افغانستان تینچلیک جریانیده منطقه مملکت‌لری نینگ همکارلیک‌لری اوستیگه تأکید قیلگن.
جناب غنی نینگ ایتیشیچه، منطقه مملکت‌لری افغانستان تینچلیک جریانیده همکارلیک‌لرینی اویغون و منظم قیلیشی کیره‌ک.
اونگه کوره، دایمی و عزتلی تینچلیک تأمین‌لنیشی افغانستان یشاوچیلری نینگ اساسی ایستک‌لریدن دیر و بو موضوع حکومت نینگ بیرینچی و اساسی مسؤولیتی سنله‌دی.
اوشبو اوچره‌شووده هندوستان باش وزیری نارندرا مودی نینگ ایتیشیچه، «مملکتی افغانستان نینگ دوستی و استراتیژیکی همکاری صفتیده بو مملکت نی یانیده توره‌دی.»
اونینگ کوپه‌یتیریشیچه، هندوستان، افغانستان مالکیتی و رهبرلیگی‌ده «افغانلر ارا» تینچلیک سوزلشوولریدن حمایت قیله‌دی.
اوشبو اوچره‌شووده ایکی تامان ترورچیلیک‌که قرشی کوره‌ش، منطقه‌وی علاقه، اقتصادی و ترانزیتی همکارلیک‌لر کینگه‌ییشی و افغانستان تینچلیک جریانی خصوصیده منطقه‌یی کیلیشوو خصوصیده بحث قیلگن.
