افغانستان جمهور رئیسی محمداشرف غنی بیلن تلیفونی سوزلشگن آمریکا تشقی ایشلر وزیری مایک پمپئونینگ ایتیشیچه، آمریکا، افغانستان جمهورلیک ریاستی نینگ سیلاوی کم‌چیلیک‌سیز یولگه قوییلیشی‌نی کوته‌دی.
آمریکا تشقی ایشلر وزیرلیگی نینگ اعلامیه‌سیده یازیلیشیچه، بو تلیفون علاقه‌سی اوتگن کون «پنجشنبه، 4- میزان» ده بولگن و ایکی تامان سیلاوگه تیگیشلی موضوعلر جمله‌دن بو جریان نینگ امنیتی توغریسیده بحث قیلیشگن.
اوشبو اعلامیه ده پمپئودن نقل قیلینیشیچه، «آمریکا قوشمه ایالت‌لری سیلاو یولگه قوییلیشی‌ده دولتی اداره‌لر و نامزدلرنینگ حرکت‌لری عیب‌سیز بولیشی و سیلاو نتیجه‌سی قانونی بولگنیدن ایشانچ قولگه کیریتیشنی کوته‌دی.»
جناب پمپئونینگ ایتیشیچه، آمریکا ینه بیر بار یشاوچیلرنینگ آواز بیریش دن محروم قیله‌دیگن ترورچیلیک گروهلرنی قاره‌لگن.
اوتگن کون طالبان گروهی بیر خبرنامه ترقه‌تیب آگاه‌لنتیریشیچه، افغانستان جمهورلیک ریاست سیلاوی نینگ بیزاته قیلیب و امنیتی کوچلر بیلن آواز بیریش مرکزلرنی اوستیگه هجوم قیلیشه‌دی.
مذکور گروه نینگ خبرنامه‌سیده، جمهورلیک ریاست سیلاویدن «آمریکایی‌لیک لایحه» صفتیده ایسله‌نیب ایتیلیشیچه، اوشبو «ساخته لایحه» اهالینی الده‌تیش، اتفاقسیزلیک، تبعیض‌نی کینگه‌یتیریش، قره‌مه قرشی‌لیک‌لر و اشغالگرلیک مقصدلری عمل‌گه آشیریلیشی اوچون یولگه قوییلگن.»
شونینگدیک، مذکور گروه افغانستان اهالیسی دن آواز بیریش مرکزلرگه باریش‌دن باش تارتیش‌لرینی سوره‌گن.
بیراق، طالبان نینگ آگاه‌لنتیریشی گه عکس‌العمل ایچکی ایشلر وزیرلیگی نینگ ایتیشیچه، هیچ بیر تروریست گه سیلاو جریانینی بیزاته قیلیش گه رخصت بیرمه‌یدی.
سیلاو باشلنگونگه‌قدر تیسکری سنه‌ش؛ افغانستان بویلب سونگ معلومات
شونینگدیک، جمهور رئیس محمداشرف غنی نینگ اوز تویتریده یازیشیچه، آمریکا تشقی ایشلر وزیری مایک پمپئو بیلن تلیفونی سوزلشگنده، 6- میزان سیلاوی توغریسیده بحث قیلگن.
عین دمده، اوتگن کون کابل‌ده آمریکا ایلچی‌خانه‌سی نینگ تویتی ده یازیشیچه، «شنبه کون بیزلرنینگ امیدمیز افغانستان نینگ قورقمس آواز بیرووچی‌لریگه دیر و اولر ایسه کیله‌جک جمهور رئیس‌لرینی سیله‌ش اوچون اوز آوازلریدن فایده‌لنه‌دی.» آمریکا ایلچی‌خانه‌سی نینگ کوپه‌یتیریشیچه، زوروانلیک قورقینچی‌دن اوزاق شفاف سیلاو یولگه قوییلیشی دموکراسی کوچه‌یتیریلیشی اوچون اینگ یخشی یول دیر.
آمریکا ایلچی‌خانه‌سی سیلاو ایرکین کمیسیونی و افغانستان ایچکی ایشلر وزیرلیگی‌دن تیزلیک‌که باغلیق قالگن 445 آواز بیریش مرکزنینگ موقعیتی‌نی معلوم قیلیش‌لرینی سوره‌گن و بو مرکزلرنی موقعیتی معلوم بولگن صورتده، آواز بیرووچی‌لر آوازلری حساب گه آلینیشیدن ایشانچ قولگه کیریتیشه‌دی.
شونینگدیک، کابل بوییچه آمریکا ایلچی‌خانه‌سی سیلاو ایرکین کمیسیونیدن سیلاو ایچکی نظارتچی‌لری مذکور کمیسیون نینگ آوازلرنی سنه‌ش ملی مرکزی گه قول تاپیش‌لری نینگ تصدیقله‌شینی طلب قیلگن.
افغانستان جمهورلیک ریاست سیلاوی ایرته «شنبه، 6- میزان» مملکت بویلب یولگه قوییله‌دی.
شو توغریده…
سیلاودن نظارت قیلیووچی اداره‌لر ریجه‌لنگن ساخته‌کارلیک‌لردن خواطر بیلدیرگن
