هلمند ولایتی نینگ یوزلب یشاووچیلری، مدنی فعاللری، قوم بویوکلری و دین عالملری بوگون (سهشنبه) ننگرهار و کنر ولایتی پاکستان تامانیدن راکته هجوم آستیگه آلینگن لیگیگه قرشی اعتراض بیلدیریب نمایش اوتکزگنلر.
اعتراضچیلر، بیرلشگن ملتلر تشکیلاتیدن پاکستان قاره رویخطگه آلینیشینی سورهگنلر. اولر، نیچه ییلدن بیری مملکت نینگ چیگره حدودی پاکستان آرقهلی هجوم آستیگه آلینیب کیلگن لیگیدن خواطر بیلدیرگنلر. لیکن، حکومت و دنیا جماعهچیلیگی مساله اوچون بی فرق قالگن دیدیلر.
پاکستان بیراغینی اوتگه یاندیرگن بو نمایشچیلر، افغانستان حکومتیدن رسمی اسلام آباد بیلن سیاسی، فرهنگی، اجتماعی و اقتصادی مناسبتلرینی کیسیشنی طلب قیلگنلر. شونینگدیک اولر ملی کوچلر یانیده توریب مملکت نی مدافعه قیلیشلری توغریسیده تاکید قیلگنلر.
سند ایالتیده اویوشتیریلگن قانلی هجومدن سونگ پاکستان افغانستاننی ترورچیلردن حمایت قیلگنلیکده عیبلهدی.
پاکستان تامانی تورخم چیگرهسینی افغانلر یوزیگه یاپیشدن علاوه کنر و ننگرهار ولایتلرینی راکته هجوم آستیگه آله باشلهدی. پاکستان حربیلرینینگ بو ایشی مملکت خلقی نینگ اعتراضیگه سبب بولدی.
