غزنی ولایتی‌نینگ باشقه بیر گروه یشاوچی‌لری، سیلاولر ایرکین کمیسیونی‌نینگ اوشبو ولایت‌ده سیلاولر حوزه‌یی ایتیلیش قراری‌گه قرشی کیلیب اعتراض قیلگن‌لر.
اعتراضچی‌لردن بیری عبدالحسین حیدری‌نینگ ایتیشیچه، امنیتی تهدیدلر سبب بوگون یولگه قویلگن اعتراض ده یالغیز مسجیدلر نماینده لری، مدنی نهادلر و سیاسی حزب‌لر اشتراک قیلگن. اونینگ ایتیشیچه، دولت اوشبو توغریده دقت قیلمه‌گن صورتده، اعتراض‌لری‌نینگ کینگی‌تیریلیشی ممکن.
جناب حیدری‌گه کوره، اولر سیلاولرنینگ حوزه‌یی ایتیلشی‌دن خواطرگه ایمس‌لر، بیراق بوگون قانونگه قرشی حرکت و تعصب‌لی یول باریشیگه قرشی اعتراض قیلگن‌لر.
ناراضچی‌لردن باشقه بیری بشیرعلی شفق‌نینگ ایتیشیچه، غزنی اهالیسی نظام‌نی باقیش و قانون‌نینگ عملی ایتیلیشی خصوصیده کوپینچه فداکارلیک قیلگن. اونینگ آگاه‌لنتیریب ایتیشیچه، سیلاولر ایرکین کمیسیونی قانونگه قرشی بولگن قراری‌گه قیته‌دن دقت قیلمه‌گن صورتده، سیلاولرنی تحریم قیله‌دیلر.
.jpg)
سیاسی فعال‌لردن بیری عبدالمالک حبیبی‌نینگ غزنی امنیتی کوچلر رهبرلیگی‌دن تنقید قیلیب ایتیشیچه، امنیتی کوچ‌لرنینگ طرف‌سیز شکلده سیلاولرنی حوزه‌یی ایسته‌ش اعتراضچی‌لر امنیتی نی تامین‌لش کبی، مدنی حرکت‌لر امنیتی‌نی هم تامین‌لشی کیرک.
امنیتی کوچلر بوگون "پنجشنبه" یرته‌لب سیلاولر ایرکین کمیسیونی دفتریگه باره‌دیگن بوتون یول‌لرنی یاپیب و اعتراضچی‌لر حاضرده سیلاولر ایرکین کمیسیونی‌گه یقیین بولگن بیر یول‌ده تحصن خیمه قورگن‌لر.
بو توغریده محل گه بولگن امنیتی کوچلر و غزنی ولایتی‌نینگ پولیس قومندانی فکری نی آلیش اوچون سعی و حرکت قیلدیک بیراق اولر صحبت قیلمه‌دیلر.
