غزنی ولایتی نینگ خواجه عمری تومنی یشاوچیلریدن اونلرچه‌سی بوگون ایرته‌لب 6 تینچ اهالی نینگ جسدلرینی غزنی حاکمی نینگ دفترینی برابریده آلیب کیلیب ادعا قیلیش‌لریچه، بو کیشی‌لر اوتگن کون کیچ قورون مذکور تومنده امنیتی کوچلر تامانیدن اویوشتیریلگن هوایی هجوم نتیجه‌سیده هلاک ایتیلگن.
اعتراضچی‌لرگه کوره، هلاک ایتیلگن‌لر بیر عایله نینگ اعضاسی بولیب و دولت گه قرشی قوراللی گروهلر بیلن هیچ‌قنده‌ی علاقه‌لری یوق ایکن.
غزنی ولایتی نینگ محلی مسؤوللری، تینچ اهالی هلاک ایتیلگنیدن تأسف بیلدیریب و بو توغریده تیرگاو باشلنگنیدن خبر بیریشگن.
غزنی ولایتی نینگ حاکمی وحیدالله کلیمزی، هلاک ایتیلگن‌لر تینچ اهالی بولگنینی تصدیقلیدی و بولر اوچووچی‌سیز اوچاق نینگ هجومی ده هلاک ایتیلگن. جناب کلیمزی، بو توغریده تدقیقات باشلنگنیدن خبر بیره‌دی.
غزنی حاکمی نینگ ایتیشیچه، بو هجوم ده 5 جنگری طالب هم هلاک ایتیلگن. شونینگدیک، جناب کلیمزی، خوگیانی تومنیده باشقه بیر هوایی هجوم ده غزنی ولایتی اوچون طالبان تامانیدن ناملنگن والی عبدالحنان هلاک ایتیلگنیدن خبر بیرگن.
طالبان گروهی حاضرگچه بو توغریده هیچ نرسه دیمه‌گن.
شو توغریده…
ننگرهارده جلغوزه اورمانی‌ده اویوشتیریلگن هوایی هجوم‌ده 30 کیشی هلاک و 40 کیشی یره‌لنگن
