.jpg)
غزنی ولایت کینگشی اعضالری‌نینگ ایتیشیچه، مذکور ولایت‌نینگ محلی پولیسی نیچه کون آلدین، جاغوری-قره‌باغ قتناو یولی قره‌باغ دشتی‌ده حربی جهاز کم‌لیگی باعث، 5 پوسته‌نی آتیشمس‌دن طالب‌لرگه تاپشیرگن.
غزنی ولایت کینگشی اعضاسی حسن‌رضا یوسفی‌نینگ ایتیشیچه، جاغوری-قره‌باغ تومن‌لری‌نینگ قتناو یولیده جایلشگن محلی پولیس کوچلری، طالب‌لر بیلن اوروش قیله‌دیگن چاغیده، قره‌باغ تومنیده جایلشگن ملی پولیس و ملی کوچلری تامانیدن حمایت قیلینمه‌ی و حربی جهاز کم‌لیگی‌گه روپه‌ره بولگن چاغیده، پوسته‌لرنی ترک قیلگن‌لر.
جناب یوسفی گه کوره، مذکور پوسته‌لرده حاضر طالب‌لر جایلشگن و اوشبو قتناو یول‌دن اوته‌دیگن جاغوری تومنی‌نینگ اهالیسی اوچون یول نی توسگن.
.jpg)
غزنی ولایتی‌نینگ پولیس قومندانی فرید مشعل، قره‌باغ تومنی‌نینگ ملی و محلی پولیس قومندانلرینی ایش سیزلیک و مدیریت سیزلیک‌که عیب‌لب ایتیشیچه، بو توغریده تدقیقات اوتکزیله‌دی.
قره‌باغ دشتی‌ده محلی پولیس کوچلری پوسته‌لرینی ترک قیلگنیدن سونگ، قوراللی کیشی‌لر 8 موترنی یولاوچی‌لری بیلن آلیب کیتگن و حاضرگچه اولرنینگ تقدیریدن هیچ بیر خبر یوق دیر.
اوشبو پوسته‌لر 4 ییل آلدین، جاغوری تومنی‌نینگ یشاوچیلریدن بیرقطاری، بو یولده طالب‌لر تامانیدن اوغیرلنیب و اولدیریلگنیدن سونگ، ایجاد ایتیلگن ایدی.
