203 تندر قول اردو قومندانی‌نینگ ایتیشیچه، غزنی ولایتی‌نینگ امنیتی کوچلری طالبلرنینگ هجوملرینی آرقه گه اوریب و اولرگه کوپینچه تلفات ییتکیزگن.
غزنی ولایت کینگشی اعضالریدن بیرقطاری‌نینگ ایتیشیچه، طالبان گروهی اوتگن کیچه جغتو تومنی‌نینگ امنیه قومندانلیگی و زنه‌خان تومنیده بولگن پولیس پوسته‌لریدن 3 ته‌سی‌نی نیچه ساعت نظارت‌گه آلگن‌لر.
203 تندر قول اردو قومندانی جنرال شعور گل، شو کونلرده اروش نی رهبرلیک قیلیش مقصد ده غزنی ولایتی گه بارگن. اونینگ ایتیشیچه، طالبلر اوتگن کیچه بوتون کوچلری بیلن مذکور ولایت‌نینگ زنه‌خان، جغتو، اندر و گیلان تومنلری گه هجوم قیلگن. بیراق، کوپینچه قربانلیک بیریب ومغلوبیت‌گه اوچره‌گن.
شعور گل‌نینگ ایتیشیچه، آتیشمه جریانیده 50 طالب هلاک بولیب و باشقه 10 طالب یره‌لنگن.
غزنی ولایت کینگشی اعضالریدن بیری نصیر احمد فقیری‌نینگ ایتیشیچه، اوتگن کیچه یوز بیرگن آتیشمه جریانیده امنیتی کوچلردن 15 ته‌سی زنه‌خان تومنیده و باشقه 11 ته‌سی جغتو تومنیده هلاک بولگن و شونینگدیک، باشقه 8 پولیس یره‌لنگن.
جناب فقیری گه کوره، طالبلر اوشبو ایکی تومن دن کوپینچه قورال و اوق نی اوزلری بیلن آلیب کیتگن و آلیب کیتیش گه قادر بولمه‌گن قورال و اوقلرنی یاندیرگن.
غزنی ولایت کینگش اوشبو اعضاسی گه کوره، طالبلرگه قرشی هوایی هجوم صورت تاپیش اوچون اولرنینگ ایستک‌لریگه جواب بیریلمه‌گن.
غزنی شهری‌نینگ یقین‌لریده بولگن تومن‌لرده طالبلرنینگ آخیرگی هجوملری سبب غزنی یشاوچیلری خواطرله‌نیب و شهر باریش‌دن وازکیچگن‌لر.
طالبان گروهی هم، اوتگن کیچه جغتو تومنی‌نینگ نظارت گه آلیب، امنیتی کوچلرگه کوپینچه تلفات بیرگنیدن سونگ، کوپینچه قورال، اوق و نقلیه وسایط‌لرنی اوزلری بیلن آلیب کیتگنینی ادعا قیلگن.
