هرات ولایتیده اوزوم کورگزمهسینینگ ایکینچی بیرهمی اوتکزیلیشی بیلن ولایت ایکینچیلیک ادارهسینینگ مسؤوللری، هراتده اوزوم محصولاتی 20- 25 فایز آشگنلیگینی ایتگنلر.
اوتگن ییل هراتده اوتکزیلگن اوزومنینگ بیرینچی بیرهمیده مذکور شهرنینگ گللر چهار راههسیده 20 تور اوزوم کورستوگه قوییلگن ایدی.
اما هرات ایکینچیلیک ادارهسینینگ مسؤوللری بوگون پنجشنبه اوشبو بیرهمده بو ییل 85 تور اوزوم کورستووگه قوییلگنلیگینی ایتگنلر.
ولایتده اوزوم بیرهمی اوتکزیلیشینی خوش قرشیلهگن هرات ولایت والیسی محمد آصف رحیمی هراتنینگ اوزوم محصولاتی کوپیماقده دیر.
جناب رحیمیگه کوره، مذکور ولایتده بیش تُن اوزوم کیتهدیگن ساووتگیچ تیزده قوریلیب ایکینچیلر اختیاریگه قوییلیشینی سورهگن. اونگه کوره، باغدارلرنینگ محصولاتی مذکور ساووتگیچده سقلنهدی.
عین حالده، هرات ایکینچیلیک ادارهسینینگ رییسی فقیراحمد بیانگرگه کوره، ایریم پیش بینلیکلرگه قرهگنده بو ییل 120 – 125 مینگ تُن اوزوم هرات باغلریدن قولگه کیریتیلیشی کوتیلهدی.
اونینگ سوزلریگه کوره، اوتگن ییل هراتنینگ باغلریدن 95 تُن اوزوم قولگه کیریتیلگن.
هرات ایکینچیلیک ادارهسینینگ رییسی، بوگون کورگزمهگه قوییلگن 85 تور اوزوم دن 45 توری هراتنینگ محلی اوزومی و باشقه قالگنلری اوزوملر ایسه ولایتنینگ تحقیقات فارمیده تیکشیرو آستیده ایکنلیگینی ایتگن.
جناب بیانگرگه کوره، هراتنینگ کوپچیلیک ولسواللیکلریده باغ ایجاد قیلیش اینیقسه اوزوم باغی تاسیس ایتیش قابلیتی بار و فقط بو ییل 500 باغ هراتده دنیا جماعهچیلیگی همکارلیگی بیلن قوریلگن.
شونینگدیک جناب بیانگر، ساووتگیچ، برق چیت ایلگه صادرقیلیش بازاری بولمهگنلیگی اوچون هراتنینگ اوزومی زمانوی شکلده خارجگه صادر ایتیلمیدی دیگن.
او، هرات اوزومی خارجگه صادر ایتیلیشی اوچون باشقه ادارهلر همکارلیک قیلیشینی سورهگن.
بونگه قرهمی، مذکور بیرهمده اشتراک قیلگن ایریم باغدارلر هراتده اوزوم بازاری بولمهگنی همده بو اوزوملر چیت ایلگه صادر ایتیلمسلیگیدن خواطر بیلدیرگنلر.
اولرگه کوره، هراتنینگ بازاری بو مقدارده اوزوم جذب قیلیش امکانیتیگه ایگه ایمس و خارجگه صادر قیلیش اوچون زمینه یره تیلیشی لازم.
هرات ایکینچیلیک ادارهسینینگ مسؤوللری، حاضرگی کونده مذکور ولایتده 85 تورو اوزوم جملهدن لعل، فخری، میراحمد، غلهدانه، سنگک، حسینی، پوشنگی و خلیلیدن عبارت دیر.
بو ییل اوزوم بیرهمیده تورت تُن اوزوم کورستووگه قوییلگن. مسؤوللرگه کوره، کورگزمه پایانیده مذکور اوزوملر یتیمخانهلرگه ترقهتیلهدی.
