غزنی محلی رسمی‌لریگه کوره، خنجر عملیاتی نتیجه سیده، مقر و گیلان تومن‌لری‌نینگ برچه قیشلاقی طالبلر بارلیگی‌دن پاک بولگن و عملیات‌لر دوامیده، جنگری طالب‌لردن 65 کیشی هلاک بولگن و باشقه 41 ته‌سی هم یره لنگن.
جمعه آقشامی غزنی ولایت سرپرستی موسی‌خان اکبرزاده نینگ بیر خبری انجمن‌ده چیقیش قیلیب ایتیشیچه، مذکور عملیات‌لر نتیجه سیده جنگری طالبلر باشلیغ‌لریدن نور احمدطیب، الهام سعادت، محسن و بابی ناملی‌لر اولدیریلگن. کبرزاده‌نینگ کوپه‌یتیرشیچه، اولگن‌لر ارا 17 پاکستان‌لیک جنگری طالب‌لردن موجود ایکن.
غزنی امنیه قومندانی اسدالله انصافی‌نینگ مذکور ییغین‌ده قتنه‌شیب ایتشیچه، 101 حلقه ماین کشف ایتیلگن و 5 مینگ کیلوگرام پارتلش ماده‌لری هم قولده کیلگن.
انصافی‌گه کوره، جنگری طالب‌لرنینگ کوپلب قورال‌لری عملیات جریانیده قولده کیلیب نابود بولگن و 10 دن آشه موتر و مورسایکل‌لری هم اوتگه تارتیلگن.
غزنی امنیت آمری‌نینگ ایتیشیچه، مذکور عملیات دوامیده تینچ اهالی‌گه آسیب ایتمه گن و پولیس کوچلریدن بیرکیشی تن جراحت آلگن‌لیگی ایتیله‌دی.
موندن آلدین طالبلر عزم ناملی بهاری عملیات‌لرینی باشله نیشی‌دن خبر بیرگن ایدی. جمعه کیچه‌سی یریمیده جنگری طالبلر اولکه ایریم محله‌لریده امنیتی کوچلری‌نینگ هدف قرار بیردی.
جمعه کیچه‌سی مذکور گروه تامانیدن غزنی شهریده 4 موشک آتیلدی. اما ولایت امنیتی مسؤول‌لری اوتگن کونگی خبری ییغین‌ده آتیلگن موشک‌لر عاقبتی‌ده کیشی آسیب کورمه گن‌لیگی‌نی بیلدیردی.
غزنی، اولکه شرقی‌ده‌گی ناتینچ ولایت‌لریدن بیری بولگن و مذکور ولایت نیچه تومنیده طالبلر فعالیت قیلیب کیلماقده. بو ولایت‌ده آدم اوغیرلش قضیه‌سی هم ایکی آیدن بویان یوقاری درجه‌ده کورینه‌دی.
اوتگن هفته چهارشنبه کونی امنیتی کوچلر تامانیدن غزنی مقر و گیلان تومنلریده خنجر ناملی عملیات اوتکزیلدی.
