.jpg)
غزنی ولایتی امنیه قوماندانی جنرال امین‌الله امرخیل‌نینگ ایتیشیچه، اوتگن کون ناتنیش تورت اوچاق طالبلر تصرفیده بولگن قیشلاققه قونگن. مذکور اوچاقلر قونیشی بیلن طالب‌لرنینگ غزنی اطراف‌ده‌گی ولایت‌لر اوچون تعین ایتیلگن والی‌لری هم مذکور قیشلاقده بولگن.
جناب امرخیل‌نینگ سلام‌وطندارگه ایتیشیچه، قول‌گه کیلگن معلومات‌لرده، مذکور اوچاقلر امنیتی تامین ایتیلیشی اوچون 200 طالب مامور ایتیلگن.
غزنی پولیس قوماندانی، ناتانیش اوچاق توش‌دن سونگ ساعت بیرده قونگن، لیکن پرده آرتیده نیمه گپ بارلیگی هنوزگه معلمو ایمس دیگن. او، مساله اوچون ملی بیرلیک حکومتی‌نینگ رسمیلری بی فرق قالمس‌لیکلرینی ایتگن.
ولایت اوشبو امنیتی مسوولی‌نینگ سوزلری‌گه قره‌گنده، قوراللی طالبلر تصرفیده بولگن منطقه‌لرده اوچاقلرنی قونیشی ینگی موضوع ایمس. اوتگن کون هم گیلان ولسوال‌لیگی‌گه نیچه اوچاق قونگنی ایتیله‌دی.
امرخیل‌نینگ قوراللی طالبلر والی‌لری ییغیلگن‌لیگی توغریسیده ایتیشچه، بولرنینگ ایریم‌لری بوگون ایرتلب پاکستان، بعضی‌سی غزنی‌نینگ آب بند ولسواللیگی و ایریم‌لری ایسه میدان وردک‌که کیتگن‌لر. هنوزگچه طالبلر بو حقده بیرار نرسه دیمه‌گن.
شونینگ‌دیک ولایت امنیه قوماندانی، مذکور ولسوال‌لیکده اخیرگی کونلرده قوراللی طالب‌لرنی نفوذی آشگن‌لیگی خصوصی‌ده خواطر بیلدیرگن.
