غزنی ولایتی مکتبلرینینگ اوقووچیلری‌گه کوره، مکتب‌لرنینگ مدیرلری، اولرگه کانکور سیناوی‌ده اشتراک ایتیش فورم‌نی تعیین‌لنگن بهاسی‌دن یوقاری بیره‌دی.
اوشبو اوقووچیلرگه کوره، کانکور سیناوی‌ده اشتراک ایتیش فورم بهاسی 400 افغانی تعیین قیلینگن؛ بیراق غزنی مرکزی و تومن‌لر مکتب‌لریدن بیرقطاری‌نینگ رسمی‌لری، اولردن هر بیر فورم‌گه 430 الی 600 افغانی آله‌دی.
اوقووچیلرنینگ ایتیشیچه، مذکور مکتب‌لر موتر کراسینی بهانه قیلیب اوزلریگه تولشگه مجبور قیله‌دی.
شونینگ‌دیک غزنی ولایتی کینگشی اورگه‌تیش و تربیه‌لش کمیته مسؤولی حسن رضا یوسفی، کانکور سیناوی‌ده اشتراک ایتیش فورم ترقه‌تیلیشی‌گه فساد بولگنینی تصدیق‌لب ایتیشیچه، اولر بو قیین‌چیلیک‌نی غزنی ولایتی‌نینگ اورگه‌تیش و تربیه‌لش ریاستی بیلن شریک قیلگن؛ بیراق حاضرگچه بو ایش باشقریلمه‌گن.
جناب یوسفی‌نینگ ایتیشیچه، جاری ییل ایش‌سیزلیک و قشاق‌لیک کوپه‌ییشی‌گه قوشیمچه، یوکسک اوقوو وزیرلیگی کانکور سیناوی‌ده اشتراک ایتیش فورم بهاسی‌نی 200 افغانی‌دن 400 افغانی‌گه کوپه‌یتیریگن.
عین حالده، غزنی ولایتی اورگه‌تیش و تربیه‌لش ریاستی باشلیغی محمدعابد عابدنینگ ایتیشیچه، حاضرگچه اوشبو موضوع خصوصیده، ولایتی کینگش تامانیدن هیچ قنقه معلومات قولگه کیریتمه‌گن؛ بیراق، مذکور ریاست ایشچیلریدن ایکی ته‌سی کانکور سیناوی اشتراک چیلریدن آرتیقچه پول آلیش‌گه عیب‌لنگنی باعث، نظارت آستیده قرار تاپگن. عابدگه کوره، مذکور ایشچیلر قضیه‌سی ثابت بولگن صورتده، اولر محکمه‌گه تانیشتیریله‌دی.
شونینگ‌دیک جناب عابدنینگ ایتیشیچه، کانکور سیناوی‌ده اشتراک ایتیش فورم بهاسی 400 افغانی تعیین بولگن و بو توغریده هیچ بیر ملاحظه یوق دیر.
ایتیلیشیچه، بو ییل غزنی ولایتی‌دن 12 مینگ اوقووچی کانکور سیناوی‌ده اشتراک ایته‌دی.
