«کوندوزلر شهرده تیلمچیلیک قیلیب ییریمگه تریاک تاپر ایدیم. قچانکه تریاک تاپمسه، مین و فرزندلریمنی اورر ایدی. مینی باشقه ایرککلر بیلن جنسی علاقهده بولیشگه عیبلر ایدی. مین تن ساتووچی ایمس من، اویدن قاچیشگه مجبور بولدیم. قماقخانه ییریمنینگ اوییدن یخشی».
خانملردن بیری خدیجه «اوییدن قاچیش» گه عیبلنیب قماققه تشلنگن. اونینگ ایتیشیچه، ییری، او و فرزندلرینی اورگنیدن کیین، اوییدن چیقارر ایکن و اولر کیچهلرنی «تشناب» ده اوتکزر ایکن.
خدیجهنینگ ایتیشیچه، 13 ییلدن بویان ییرینینگ بو حرکتینی قبول ایتکن و آتهسی باش پناه بیریشگه حاضر بولمهگنیدن کیین، اوییدن قاچیب چیقیشگه مجبور بولگن.
خدیجهنینگ یاشلیک چاغیده، ایناغهسینینگ خاتینی بیلن بدل قیلگن، اونگه کوره، تورموش قورگنیدن کیین، یخشی کون کورمهگن.
غزنی ولایتی قماقخانه بیر چیکهسی 19 محبوس عیالگه اجرهتیلگن. کیچیک ایشیگی بار، زنجیر و قفل بیلن یاپیلگن. بو قماقخانهدهگی عیاللرنی کوپینچهسی، خدیجهدیک اوییدن قاچیشگه عیبلنگن.
اوییدن قاچیب چیقیش افغانستان قانونیگه جرم حسابلنهدی، بیراق غزنی قماقخانهسیده حیات کیچرهیاتکن عیاللر بو ایشلردن دفاع قیلهدی، اولرنینگ ایتیشیچه، برچه یوللر اونگلریده یاپیلگن ایکن و قاچیشنی بیرینچی ایش دیب تنلهگنلر.
بو ییردهگیلر قماقخانه اتاقلرینی اوییدن یخشی بیلهدی و قماقخانهنی آتهدن کوره مهربان بیلگنلر. بو عیاللردن هر بیرینینگ اوتمیشی، خدیجه دیک، اچینرلی و قیغولی دیر. اولرگه کوره، قیینچیلیکدن چیقیشگه هیچ بیر یول قالمهگنی باعث، اویلریدن قاچگنلر.
بو عیاللرنینگ ایتیشیچه، خلق اولرنی یمان عیاللر صفتیده تانیدی و اولرنینگ توغریسیده یمان اویلهدی، بیراق عایلهوی قیینچیلیکلر باعث، اولر اویلریدن قاچیب چیقگن.
اوشبو قماقخانهده باشقه بیر عیال، اوستیگه تیکانلی سیم آلینگن بلند دیوارلرگه تیکیلهدی. او، کندهاردن غزنی قاچگن چاغیده، توتقونگه آلینیب قماققه تشلنگن.
بو عیال آتینی توتمهیدی. بیراق ایتیشیچه، آتهسی و ایناغهسی اونینگ بیر قری کیشیگه بیریش اوچون قرار قیلگن ایکن، اوندن کیین بوعیال، اولرنی قانیقتیریش اوچون بار سعی و حرکتینی قیلگن، لیکن نتیجه بیرمهگن، کیین اوییدن قاچیب چیقیشگه مجبور بولگن.
کندهارلیک عیالنینگ ایتیشیچه، ییری بولیشنی ایستهگن ایرککنینگ 6 فرزندی بار و «اوندن خوشی کیلمهیدی، بیراق بیرگه سیگه قاچگن ییگیتدن خرسند دیر».
بو قماقخانهده باشقه بیر عیال، زورهوانلیک بیلگن تورموش قوریشگه حاضر بولمهگنی سبب، اوییدن قاچگن.
اونینگ ایتیشیچه، فرزندی اوزیمچه بولگن آدم بیلن تورموش قوریشیمنی ایستهگن ایدیلر. مین اویگه کوپ ایتدیم، بیراق اولر قبول قیلیشیمنی ایستهدی؛ دلیلی شوکه ایناغم اونینگ موترینی آلگن ایکن».
بیراق آمنه ناملی قیز یخشی کورگن ییگیت بیلن اوچرهشگنی باعث قماققه تشلنگن. یورهگی قوییب یوباریلیشی اوچون تیترهیدی. او، غزنی مکتبلریدن بیرینی اوقووچیسی بولگن، اونگه کوره، تورموش قوریش آرزوسیده بولگن ییگیت بیلن بیرینچی مرته اوچرهشیب اویی تامان کیتهیاتکن چاغیده، پولیس تامانیدن توتقونگه آلینگن.
زورهوانلیک بیلن تورموشگه چیقاریش و عایلهوی قیینچیلیکلرباعث، عیاللر اوییدن قاچیب چیقهدی.
غزنی قماقخانهسی مسؤولی عبدالطیف حسینیار، عیاللر قاچیشی کوپهییش سببی عایلهوی قیینچیلیکلر بیلیب ایتیشیچه، عایلهلر قیزلرنینگ ایستهگیگه اونچهلیک دقت قیلمهیدی.
جناب حسینیارنینگ ایتیشیچه، بو قماقخانهدهگی عیاللرنینگ کوپینچهسی، قتل و اوییدن قاچیش جرمگه عیبلنگن.
بولر افغانستان ناتینچ منطقهلریده عیاللرگه قرشی قیینچیلیکلردن اورنک دیر. فعال عیاللردن بیرقطارینینگ ایتیشیچه، بوندهی بیر قیینچیلیک لرگه دوچ کیلگن عیاللر سانی کوپ دیر. بیراق اولردن کوپینچهسی حقوقلریدن آگاه سیزلیگی باعث، قیینچیلیکنی تحمل قیلهدی.
