اوتگن کیچهگی طالبلر تامانیدن غزنی مرکزی تورمه سیدهگی زندانیلردن 352 کیشی اوشبو گروه آرقهلی قاچیریلگن. مذکور هجوم اوتگن کیچه ساعت 11 طالبلرگه باغلیق 6 کیشی حربی کییم و موتر بیلن قماقخانهده کیریب باریشلری بیلن بولگن.
اولر امنیتی کوچلرگه قرشی قیسقه اوروش اوتکزیب، برچه توسیقلردن اوتیب، تورمه دهگی زندانیلرنی توتقونگه آلگنلر. اوندن کیین، طالبلر زندانیلردن تورمهنی ترک ییتیب، اولر بیلن بیرگه کیتیشنی ایستهگنلر.
غزنی ولایتی کسلخانه باشلیغیگه کوره، هجومده امنیتی کوچلردن 4 کیشی هلاک و باشقه 11تهسی تن جراحتی آلگن. شونینگدیک تورمه دهگی زندانیلردن 4 تهسی یرهلنگن.
طالبلر حادثهنی تأیید قیلیب ایتیشلریچه، هجوم نتیجهسیده 352 کیشی زندان بولگن طالبنی آلیب چیقگنلر. اما غزنی ولایت اورین باسری محمدعلی احمدی تورمهدن قاچگن اوشبو زندانیلرنی سلاموطندار بیلن اوتکزگن صحبتیده رد قیلمهدی، ولی طالبلردن 152 کیشی زنداندن قاچگنلیکلرینی ایتهدی.
ایتیلیشیچه، هجومدن بیرکون آلدین ملی امنیت طالبلر ایریک اعضالریدن 20 تهسینی غزنی مرکزی تورمه خانهسیدن معلوم بولمهگن منطقهده آلیب کیتگن ایکنلر. کورینیشیچه، ملی امنیت طالبلر تامانیدن ریجهلنگن هجومدن خبرلری بارلیگی سیزیلهدی.
غزنی ولایتی کینگش باشلیغی خالقداد اکبری نینگ سلاموطندارگه ایتشیچه، گمانلرنی جوابی تاپیلیشی اوچون ولایتی کینگش اعضالری، محبس سقلاوچیلر و عدلی و قضایی نهادلردن قوشمه هیأت بوباره ده تیکشیروو ایشلرینی باشله ماقده.
اوتمیشده هم طالبلر شونقه هجوملرنی اوتکزگن ایدیلر. 1387- ییل 24 – جوزا ده قندهار مرکزی تورمه خانهسیدن بیرمینگگه یقین زندانیلرنی اوزلری بیلن بیرگه آلیب کیتگن ایدیلر.
