غزنی ولایتیده ساغلیق‌نی سقلش ریاست باشلیغی ظاهرشاه نیک مل نینگ سلام‌وطندارگه ایتیشیچه، مذکور ولایتده امنیتی تهدیدلر کوپه‌یگنی باعث، اویمه اوی ایملش دستوری یا-ده ناگرانلیک واکسینی اوچ آیدن بویان توخته‌تیلگن.
جناب نیک مل گه کوره، مذکور ولایت نینگ قیشلاقلریده امنیتی تهدیدلر کوپه‌یگنی و حربی عملیات‌لر شدتلنگنیدن سونگ، ساغلیق‌نی سقلش وزیرلیگی، اویمه اوی ایملش دستوری یا-ده ناگرانلیک واکسینی توخته‌تیلیشی خصوصیده قرار قیلگن.
غزنی ولایتی نینگ ساغلیق‌نی سقلش ریاستی باشلیغی، ناگرانلیک کسل‌لیگی‌نی خطرلی بیلیب ایتیشیچه، اویمه اوی ایملش دستوری یا-ده ناگرانلیک واکسینی تیزلیک‌که باشلنیشی توغریسیده امید قیله‌دی.
ساغلیق‌نی سقلش وزیرلیگی بوندن آلدین، غزنی گه قوشنی ارزگان، زابل و پکتیکا ولایت‌لریده ایجابی ناگرانلیک کسل‌لیگی رویخطگه آلینگنیدن خبر بیرگن ایدی و غزنی ایملش دستوری یا-ده ناگرانلیک واکسینی توخته‌تیلگنی باعث، اهالی بو کسل‌لیک رواجلنیشی خصوصیده خواطر بیلدیریشگن.
غزنی ولایت کینگشی اعضاسی حسن رضا یوسفی نینگ ایتیشیچه، طالبان گروهی نینگ تهدیدلری باعث، غزنی ده اویمه اوی ایملش دستوری یا-ده ناگرانلیک واکسینی توخته‌تیلگن.
عین حالده، غزنی شهری و تومن‌لری نینگ ساغلیک مرکزلریده ایملش دستوری یا-ده ناگرانلیک‌که قرشی واکسین تطبیق ایتیلیشی دوام ایتماقده.
غزنی شهریده‌گی ساغلیک مرکزلریدن بیری ده کیچیک فرزندلری نینگ ناگرانلیک واکسینی اوچون آلیب کیلگن غزنی شهری یشاوچیلریدن بیری جمیله نینگ ایتیشیچه، ساغلیک ایشلاوچیلری اویی گه مراجعت قیلمه‌گن‌لری باعث، باله‌لرینی بو مرکزگه آلیش گه مجبور بولگن.
عین دمده، طالبان گروهی ناگرانلیک واکسینی عمل گه آشیریلیشی گه توسیق بولگنی توغریسیده رسمی شکلده بیر نرسه دیمه‌گن.
ایتیلیشیچه، نیچه ییل آلدین، غزنی ولایتی نینگ گیرو تومنیده ناگرانلیک کسلی بولگن ایجابی بیر واقعه رویخطگه آلینگن.
