ملی خوفسیزلیک 01 قطعه‌سی تامانیدن غزنی ولایتی‌نینگ اندر تومنی‌ده نورالمدارس مدرسه‌سی اوستیگه یولگه قویلگن عملیات نیتجه‌سیده 5 طالب هلاک و باشقه 36 طالب قولگه آلینگن.
غزنی پولیس قومندانلیگی‌نینگ مطبوعاتی دفتری‌نینگ مدیالرگه بیر خبرنامه یوباریب ایتیشیچه، مذکور عملیات ده طالب‌لرنینگ ایکی اوق انباری، ایکی رنجر و باشقه بیر موتر اورته‌دن ایلتیلگن.
مذکور خبرنامه گه کوره، طالبان گروهی‌نینگ ابودانش و عبدالله اسم‌لی ایکی تانیقلی قومندانی قولگه آلینگنلر آره‌سیده بار دیر.
اوشبو خبرنامه گه گوره، مذکور عملیات دن خوفسیزلیک کوچ‌لر زیان کورمه‌گن.
عین‌حالده طالبان گروهی‌نینگ سوزلاوچیسی ذبیح الله مجاهد، مذکور گروه جنگره‌لری اوشبو مدرسه‌گه بولمی و اوشبو عملیات چیت‌ایللیک کوچ‌لر تامانیدن یولگه قویلگن دیدی.
اونینگ ایتیشیچه، چیت‌ایللیک کوچ‌لر، مذکور عملیات ده 3 کیشی نی اولدیریب و باشقه 45 کیشی نی اوزلری بیلن آلیب کیتگن.
جناب مجاهد گه کوره، هلاک ایتیلگن‌لر و قولگه آلینگنلر برچه‌سی اوقووچی‌لر ایکن.
شونینگ‌دیک غزنی ولایتی‌نینگ قره‌باغ تومنی‌ده مردمی کوچ‌لر تامانیدن یولگه قویلگن عملیات نتیجه‌سیده طالبلر قومندانلریدن 4 ته‌سی شامل 6 طالب هلاک ایتیلگن.
