اخیرگی پیت‌لرده غزنی ولایتی‌ده ناتیینچ‌لیک‌لر کوپیماقده. طالبان جنگره‌لری هر کیچه امنیتی پوسته‌لر اوستیگه هجوم قیله‌دی و میدان‌لرگه ترور قیلیش اوشبو ولایت یشاوچیلریگه قرشی قینچیلیک دیر.
غزنی ولایتی‌نینگ حاکمی وحیدالله کلیمزی‌نینگ بیر مصحلتی ییغین‌گه ایتیشیچه، طالب‌لرنینگ نفوذ قیلیشی‌گه سبب بولگن‌لر و اوشبو گروه گه پول توپله‌یدگن‌لرنینگ هدف آستیگه قرار بیریلیشی کیرک.
غزنی حاکمی گه کوره، اوشبو ولایتده طالب‌لر اورشی‌نینگ کته بولیمی شهر و قطار قیشلاق‌لردن طالبان گروهی گه فعالیت قیله‌دیگن‌لر تامانیدن توپلنه‌دیگن پول بیلن تمویل ایتیله‌دی.
غزنی حاکمی، طالبان گروهی‌گه پول توپله‌یدیگن‌لرنی نابود قیلیش دستوری‌نی صادر قیلگنی بیلدیرگن.
او غزنی ولایتی‌نینگ قوم بویوک‌لریدن، صداقت بیلن دولت دن حمایت قیلیشی نی ایسته‌گن.
غزنی پولیس قومندانی فرید مشعل‌نینگ ایتیشیچه، طالب‌لرنینگ مالی حمایت قیله‌دیگن‌لرنی و ترورچیلرنی تانیب قولگه آلیش اوچون سعی و حرکت قیله‌دی.
غزنی محلی رسمی‌لری، اوتمیش‌لرده هم طالب‌لر و اولرنی حمایت قیله‌دیگن‌لرنی نابود قیلیش اوچون وعده بیرگن‌لر؛ بیراق حاضرگچه اوشبو توغریده عملی ایش قیلمه‌گن‌لر.
