مملکت عالی تحصیلات وزیرلیگینینگ مسؤوللری جاری ییل کانور سیناویگه قبول قیلیش 30% آشگنلیگی بارهسیده خبر بیرگنلر.
عالی تحصیلات وزیرلیگی سوزلاووچیسی نینگ اورین باسری اخترمحمد عبیرنینگ سلاموطندارگه ایتیشیچه، جاری ییل اوچ یوز ایللیک مینگ اوقوچی رویخط گه آلینگن بو جملهدن 58 مینگ و اوچ یوز و 10 کیشی بیلیم یورتلر، 60 مینگ و بیش یوز و قیر کیشی نیمه عالی موسسهلرگه آلینه دیلر.
جناب عبیر، اوتگن ییل ایکّی یوز قیر آلتی مینگ ایکّی یوز و ییگیرمه اوقوچی اشتراک قیلگن ایدی دیگن. بولردن 92 مینگی ایسه بیلیم یورتلر و نیمه عالی تحصیلات موسسهلریگه یول آلگنلیکلری حقیده تاکیدلهگن.
جناب عبیر، بو ییل کانکور سیناوی اوچ باسقیچ اساسیده ولایتلرده آلینهدی دیگن. اونگه کوره، بیرینچی باسقیچده بدخشان و بامیان ولایتلری، ایکینچی دورده جنوب شرقی ولایتلر و سونگی دورده ایسه کابل حوزهسیده آلینهدی.
افغانستان عالی تحصیلات وزیرلیگی کانکور سیناویگه کیرهدیگنلردن آز قسمینی مملکت بیلیم یورتلریگه قبول قیلینیشی دایم تنقید آستیگه آلینگن مسالهلردن بولیب کیلگن.
شونینگدیک اوتگن ییللرده، مملکت بولیب کانکور سیناویده پارهخورلیک همده تقلب بارلیگیدن شکایت تیلگه آلینیب کیلگن. اما، مملکت عالی تحصیلات وزیرلیگینینگ بلند مرتبهلی رسمیلری، جاری ییلده سیناو کانکوری جدی صورتده نظارت ایتیلیشی بارهسیده سوز بیرگنلر.
