غزنی ولایت کینگشی اعضالری، مذکور ولایت تومن‌لریده آواز بیرووچیلرنینگ رویخط‌گه آلیش مرکزلر فعال بولمه‌گنیدن خواطر بیلدیریب ایتیشیچه، اوشبو قیین‌چیلیک‌که نقطه قوییلمه‌گن صورتده، غزنی ولایتی‌نینگ مینگ‌لرچه یشاوچیسی نماینده‌لر کینگشی و تومن‌لر کینگشی سیلاولریگه اشتراک قیلیش‌دن محروم قاله‌دیلر.
سلام‌وطندارگه صحبت بیرگن غزنی ولایت کینگشی باشلیغی لطیفه اکبری‌نینگ ایتیشیچه، اوشبو ولایت مرکزیده بولگن آواز بیرووچیلرنینگ رویخط‌گه آلیش مرکزلر هم مواد کم‌لیگی گه روپه‌ره بولیب تورگن.
اکبری‌نینگ کوپه‌یتیریشیچه، کیله‌جک هفته شنبه کونی سیلاولر نامزدلرینی رویخط‌گه آلیش باشله‌نیشی گه قرار قیلینگن؛ بیراق غزنی ولایتی‌نینگ تومن‌لریده حاضرگچه آواز بیرووچیلرنینگ رویخط‌گه آلیش مرکزلر فعال بولمه‌گن.
غزنی ولایت کینگشی اعضاسی غلام سخی عمار، کیله‌جک سیلاولر یولگه قوییلیشی توغریسیده، حکومت‌نینگ اراده سیزلیگی‌دن تنقید قیلیب ایتیشیچه، غزنی‌ده ناتینچلیک‌لر کینگه‌یگنی باعث، سیلاوگه نبستن اهالی علاقه‌سی کمه‌یگن.
غزنی ولایت کینگشی‌نینگ باشقه بیر اعضاسی حمیدالله سروری‌نینگ ایتیشیچه، اوشبو ولایت مرکزیده هم آواز بیرووچیلرنینگ رویخط‌گه آلیش 15 مرکز هم امنیتی تهدیدلر باعث، یاپیلگن.
او، حکومت‌دن سیلاولر کمیسیونی‌نینگ ولایتی دفتری مقابلی‌ده تحصن خیمه اورگن اعتراضچی‌لر بیلن صحبت قیلیب و بو قیین‌چیلیک‌که نقطه قوییشی‌نی سوره‌گن.
غزنی ولایتیده سیلاولر کمیسیونی‌نینگ ولایتی دفتری مسؤوللری، بو توغریده صحبت بیریش‌گه حاضر بولمه‌گن؛ بیراق غزنی ولایت حاکمی سوزلاوچیسی محمدعارف نوری‌نینگ ایتیشیچه، سیلاولر ایرکین کمیسیونی تامانیدن بیر هیأت بو ولایت گه کیلیب و قیین‌چیلیک‌نی حل قیلیش خصوصیده، قرار قیلینگن.
غزنی یشاوچیلریدن بیرقطاری، سیلاولر حوزه‌یی بولیشی‌نی ایسته‌ب و 36 کون آلدین، غزنی ولایتیده سیلاولر ایرکین کمیسیونی‌نینگ ولایتی دفتری اونگیده تحصن خیمه قوریب و مذکور دفتر دروازه‌سینی یاپگن.
عین حالده، اعتراضچی‌لرنینگ ایستک‌لری مرکزی حکومت تامانیدن رد ایتیلگن؛ بیراق تحصن قیلگن‌لر حاضرگچه ایستک‌لری عملی بولیشی اوستیگه تأکید قیله‌دیلر.
