جمعه کون ایرتلب غزنی ولایتی قیزیل یریم آی اداره‌سی‌نینگ بیش خادمی قوراللی طالب‌لر تامانیدن آزاد ایتیلگن‌دن کیین، غزنی ولایتی‌نینگ امنیه قوماندانی جنرال امین‌الله امرخیل سلام‌وطندارگه قیلگن صحبت‌ده، مذکور شخص‌لرنی قولگه آلینیب و آزاد ایتیلیشی‌نی بیر نمایش دیب، پرده آرتی‌ده بعضی مسئله‌لر بار دیگن.
مذکور شخص‌لر اوتگن پنج‌شنبه کون غزنی ولایتی‌نینگ واعظ تومنی‌گه قره‌شلی منطقه‌ده اوغیرلنگن ایدی، اما، قیزیل یریم آی ادارهسی نینگ مذکور ملازملری نیمه اوچون قوراللی طالب‌لر تصرفیده بولگن منطقه گه سفر قیلگنی انیق لنمه‌گن.
جناب امرخیل‌نینگ سوزلریگه کوره، پولیس بو اداره‌نینگ ملازملر اوشبو منطقه‌گه سفر قیلگنی اوچون شبهه‌ده. قیزیل یریم آی ادارهسی نینگ بو خادم لری ولایت امنیتی اداره‌لرینی جریانگه قویمسدن مذکور حدودگه سفر قیلگن لر.
شونینگدیک ولایت امنیه قوماندانی بوندن نیچه وقت آلدین قیزیل یریم آی اداره‌سی‌نینگ بعضی خادملری ولایت امنیتی اداره‌لرینی جریانگه قویمسدن بو منطقه گه سفر قیلگن‌لیکلرینی ایتگن.
غزنی پولیس قوماندانی‌گه کوره، قیزیل یریم آی ادارهسی مذکور ولایتده‌گی محلی اداره‌سینی یاپیشنی ایسته‌گن تقدیرده، بونده‌ی پلانلشتیریلگن موضوعلرنی مدیاگه بیریب ولایت امنیتی اداره‌لرینی بدنام قیلیمس لیگی لازم دیگن.
شونینگدیک ولایت امنیه قوماندانی، قیزیل یریم آی ادارهسی ولایت محلی رسمیلرینی جریانگه قویمسدن قوراللی طالب‌لر نظارتیده بولگن منطقه‌لرده قودوق قازیب بیرگن لیگینی ادعا قیلگن.
امرخیل، قیزیل یریم آی اداره‌سی‌نینگ اوشبو ملازملری اوغیرله‌گن‌لیگیگه «اوغیرلیک» نامی قویمس‌لیگنی تیل‌گه آلگن. او، بوندن بویان هیچ بیر دولت و نا دولت اداره ملازمیگه ولایت‌نینگ اوزاق منطقه‌سیگه امنیتی اداره‌لرنی جریانگه قویمسدن سفرقیلیش‌گه رخصت بیرمیدی دیگن.
اما، ولایت قیزیل یریم آی ادارهسی نینگ باشلیغی بلال احمد بلال ولایت امنیه قوماندانی نینگ اظهاراتی بارهسیده بیرار نرسه دیمه‌گن. او، اداره‌سی‌نینگ ملازملری طالب‌لر تامانیدن اوغیرله‌نیب قیته دن آزاد ایتیلگنی بارهسیده مرکزی ادراه بیلن گپیریش نی بیلدیرگن.
