غزنی ولایتی‌نینگ صنعت و سوداگرلیک ریاستی باشلیغی حسین عارفی‌نینگ سلام‌وطندارگه ایتیشیچه، مذکور ولایتده سرمایه یاتقزووچیلرنینگ سرمایه یاتقزیش علاقه‌لری کمه‌یگن و غزنی اوروشی‌دن سونگ، بیر سوداگرلیک جواز هم ترقه‌تیلمه‌گن.
عارفی گه کوره، غزنی شهری اوستیگه طالب‌لر تامانیدن اویوشتیریلگن هجوم‌ده 284 دکان و 10 کته مارکیت اوتگه یانگن و سوداگرلرگه 499 میلیون و 800 مینگ افغانی زیان ییتیشگن.
بیراق، غزنی ولایتی‌نینگ صنعت و سوداگرلیک ریاستی باشلیغی‌نینگ ایتیشیچه، دولت سوداگرلرنی آلقیش‌لش و حمایت قیلیش اوچون اولر اوچون قرضه زمینه‌سینی یره‌تگن و اولر 7 ییل سالیق توللش‌دن کیچیریلگن.
غزنی ولایتیده صنعت و سوداگرلیک اتاقی مدیری گلاب‌الدین امیری‌نینگ ایتیشیچه، مذکور ولایت سوداگرلریدن کوپینچه‌سی ایچکی و چیت‌ایللیک کته تولیدی شرکت‌لردن سوداگرلیک توار آلیب کیلیب و قرضدار قالگن‌لر و قیته‌دن قرض آلیش‌گه ایمس دیر.
امیری جنابلری‌گه کوره، غزنی‌ده هوا قونالغه‌سی بولمه‌گنی، قندهار-کابل قتناو یولی نی ناتینچلیگی، ترورچیلیک گروه‌لرنینگ باج آلیشی و شهر تینچ‌بولمه‌گنی سرمایه یاتقیزوچی‌لرنی کم علاقه‌لیگی‌گه سبب بولگن.
غزنی سوداگرلری‌نینگ ایتیشیچه، مارکیت و دکان‌لری اوتگه یانگنیدن 2 آی اوتماقده، لیکن حکومت سرمایه یاتقزیشنی کوچلنتریشی توغریسیده، حاضرگچه هیچ بیر ایش قیلمه‌گن.
شونده‌ی بیرحالده، غزنی محلی مسؤوللری شهر خوفسیزلیگی تأمین‌لنیشی دن ایشانچ بیره‌دی؛ بیراق سوداگرلرنینگ ایشانچی گه کوره، غزنی شهری سوداگرلر اوچون تینچ ییر ایمس دیر.
