غزنی ولایتی مرکزی منگور قیشلاغی یشاووچی‌لری‌نینگ سلام‌وطندارگه یوللگن فتو صورت‌لریده اوچ یاش ییگیت طالب‌لر تامانیدن دره اوریلیشی کوزه‌تیله‌دی.
ویدیو یازیب آلیش‌ده بیرینچی بار اونلب قوراللی طالب و یوزلب اهالی تامانیدن قورشاوگه آلینگن مذکور اوچ یاش اوچون صحرایی حکم صادر ایتیلیشی کیم نینگ تامانیدن اعلان ایتیلیشی انیق صورتده معلوم بولمیدی. سونگ قوراللی طالب‌لر ترتیب اساسیده اوچ یاشنی بیرته – بیرته ایاغینی کوتاریب دره اوره باشلیدی.
حکم اوقیگن طالب‌لر تامانیدن مذکور شخص‌لر بیر باسکیل اوغیرله‌گن‌لیک همده نماز اوقیمه‌گن لیک‌ده عیب‌لنگن لیک‌لری معلوم بوله‌دی. اولر اهالی‌نی اسلامی امارت برچه ییرده حاکم لیگی باره‌سیده آگاهلنتیره دیلر.
محکمه حکمی عمل‌گه آشیریلگن‌دن سونگ اهالی الله اکبر تاووشی چیقاریش بیلن اسلامی امارت همده ملام اخترمحمد منصور یشه‌سین دییه شعار بیرگن‌لر.
هنوزگچه غزنی ولایتی‌نینگ بلند مرتبه‌لی رسمیلری بو توغریده سلام وطندارگه بیرار نرسه دیمه‌گن.
منگور قیشلاغی غزنی مرکزیدن تورت کیلو متر اوزاق‌لیکده جایلشگن، اما قوراللی طالب‌لر نیچه مرته بو قیشلاقده صحرایی محکمه عمل‌گه آشیرگن.
