غزنی پولیس قوماندانلیگی، فاحشهلیک جایلرده مشتریلرنینگ اخلاقی فسادینی رویخطگه آلیب بو یول بیلن تاولانچیلیک قیلهدیگن بیر گروه قولگه آلینگن لیگی بارهسیده خبر بیردی.
غزنی پولیس قوماندانی امین الله امرخیل بوگون خبری بیر انجمنده نطق سوزلب، مذکور گروه نینگ اوچ اعضاسی اوچ کمیپوتر، فیلم یازیب آله دیگن 40 آرتیق اوسکونه و بو فاحشهلیک ییرنینگ مشتریسی بولگن تاجرلر و بایلرنینگ اونلب سکس فیلمی بیلن قولگه آلینگن لیگینی بیلدیرگن.
جناب امرخیل، بو شخصلر شهر نینگ تورلی منطقهلریده آپارتمانلرنی فاحشهلیک ییرلر قوریب کوپینچه بای به دولت بولگن مشتریلردن فیلم یازیب آلیب اولردن بو یول بیلن تاولانچیلیک قیلیب پول قولگه کیریتر ایکنلر دیگن.
غزنی پولیس قوماندانی، مذکور گروه بو قبیل ایش آرقهلی هنوزگچه مینگلب دالر درآمد قولگه کیریتگن دیدی.
بو گروه نینگ باشقه ولایتلریده هم ایلدیزی بولیشی ممکن دیدی جناب امرخیل. قولگه آلینگنلر اوستیدن جدی شکلده تیرگاو باشلگن لیگینی تیلگه غزنی امنیه قوماندانی جناب امرخیل.
بو بیرینچی مرته غزنی ولایتیده بو قبیل بیر گروه حبسگه آلینهدی. سونگی مورد ده غزنی پولیس ادارهسی بیر قنچه خاتینلر بعضی ایرککلرنی اوییگه آلیب باریب، کلتکلهگندن سونگ بار یوقلرینی آلگنلیکده عیبلب قماققه آلگن ایدی.
