غزنی ولایتیده سیلاولر حوزه‌یی یا-ده لغو ایتیلیشی توغریسیده دوام ایتیب کیله‌دیگن جنجل‌لر، مذکور ولایتده سیلاولر تعیین ایتیلگن زمانیده یولگه قوییلمه‌سی توغریسیده، سیلاولر ایرکین کمیسیونی‌نینگ رسمی‌لرینی خواطرگه سالگن.
بوگون «چهارشنبه» کابل‌ده خبری بیر ییغینده نطق سوزله‌گن سیلاولر ایرکین کمیسیونی کمیشنری سید حفیظ‌الله هاشمینینگ ایتیشیچه، غزنی سیلاولریده داخل تامانلر کیلیشمه‌گنی باعث، اوشبو ولایتده سیلاولر 28- میزان ده یولگه قوییلمه‌سی ممکن.
بونگه قوشیمچه، جناب هاشمینینگ سیاسی حزب‌لرنی تکلیفی ریجه‌سی و گلبدین حکمتیارنینگ بیانات‌لری توغریسیده ایتیشیچه، نماینده‌لر و تومن‌لر کینگشی سیلاولری تعیین ایتیلگن زمانیده یولگه قوییله‌دی و کمیسیون هر بیر رویخط‌گه آلینگن استیکر برابریده جواب بیره‌دی. شو یوزه‌دن اونینگ ایتیشیچه، حزب‌لرنینگ رهبرلری و سیاسی جریانلر دقیق و توشونیب فکر بیلدیریش‌لری کیره‌ک.
اوتگن کون خبری بیر ییغینده اسلامی حزب رهبری گلبدین حکمتیارنینگ ایتیشیچه، 8 میلیون دن آرتیق آواز بیرووچی رویخط‌گه آلینگنی توغریسیده سیلاولر ایرکین کمیسیونی تامانیدن بیریلگن رقم ناتوغری دیر و اولرنینگ معلوماتی اساسیده، کیله‌جک سیلاولر اوچون یالغیز 3 میلیون و 600 مینگ کیشی رویخط گه آلینگن.
شونینگدیک، نیچه کون آلدین، سیاسی حزب‌لردن بیرقطاری‌نینگ معلوم قیلیشیچه، آواز بیرووچیلرنینگ رویخط‌گه آلیش جریان تنیق ایمس دیر و بو جریان بایومتریک آرقه‌لی عمل‌گه آشیریلیشی لازم.
